நண்பர்கள் தின ஸ்பெஷல்: கோலிவுட்டின் நண்பேன்டாக்கள் யார், யார்?

ரஜினி-ராஜ் பகதூர்

ரஜினிகாந்த் பெரிய சூப்பர் ஸ்டாராக இருந்தாலும் தான் கர்நாடக மாநிலத்தில் பேருந்தில் கண்டக்டராக இருந்தபோது அதன் டிரைவராக இருந்த ராஜ் பகதூருடன் இன்று நட்பாக உள்ளார். பெங்களூர் சென்றால் பகதூரை பார்க்காமல் ஊர் திரும்ப மாட்டார்.

கமல்-ரமேஷ் அரவிந்த்

உலக நாயகன் கமல் ஹாஸனும், நடிகர் ரமேஷ் அரவிந்தும் பல காலமாக நெருங்கிய நண்பர்களாக உள்ளனர். ஒருவரின் படத்தில் மற்றொருவர் கவுரவ தோற்றத்தில் வருவதை வழக்கமாக வைத்துள்ளனர்.

அஜீத்-விஜய்

அஜீத் ரசிகர்களும், விஜய் ரசிகர்களும் அவ்வப்போது சமூக வலைதளங்களில் மோதிக் கொள்கிறார்கள். ஆனால் அஜீத்தும், விஜய்யும் நண்பர்களாகத் தான் உள்ளனர். இது ரசிகர்களுக்கு தெரிந்தும் மோதல் மட்டும் குறையவில்லை.

ஆர்யா-விஷால்

ஆர்யா-விஷால் நட்பு பற்றி நாங்கள் சொல்லி உங்களுக்கு தெரிய வேண்டியது இல்லை. இருவருக்கும் இடையே அப்படி ஒரு நெருக்கமான நட்பு. இருவரும் இன்னும் திருமணம் செய்து கொள்ளவில்லை என்பது குறிப்பிடத்தக்கது.

ஆர்யா- சந்தானம்

ஆர்யாவும், சந்தானமும் படத்தில் மட்டும் நண்பேன்டா கிடையாது நிஜத்திலும் தான். ஆர்யாவுக்கு சைக்கிள் ஓட்டுவது என்றால் மிகவும் பிடிக்கும். அவர் காலை வேளையில் சந்தானத்துடன் சேர்ந்து அவ்வப்போது சைக்கிள் ஓட்டுவார்.

விஷால்-விக்ராந்த்

விஷாலும், இளைய தளபதி விஜய்யின் தம்பி விக்ராந்தும் நெருங்கிய நண்பர்கள். வாடி நின்றபோது கை கொடுத்து தூக்கிவிட்டவன் என் நண்பன் விஷால் என்று விக்ராந்த் பெருமையாக சொல்வது உண்டு.

தனுஷ்- சிம்பு

ஒரு காலத்தில் எதிரும், புதிருமாக இருந்த தனுஷும், சிம்புவும் கூட நண்பேன்டா ஆகிவிட்டனர். முதலில் முகத்தை திருப்பிக் கொண்டு சென்ற அவர்கள் தற்போது கை குலுக்கி போட்டோவுக்கு போஸ் கொடுக்கும் அளவுக்கு வந்துவிட்டனர்.