மௌன ராகம் திரைப்படத்திற்காக நானும் புரடியூசர்கள் தேடி அலைந்துள்ளேன்... நடிகை ரேவதி ஃப்ளாஷ் பேக்

பகல் நிலவு

ரேவதி சினிமா துறைக்கு வந்து நடித்துக் கொண்டிருந்தபோது அவரிடம் முதன் முறையாக ஆங்கிலத்தில் ஒரு முழு படத்தின் கதையையும் கூறியது இயக்குநர் மணிரத்தினம் அவர்கள் தானாம். அப்படித்தான் பகல் நிலவு திரைப்படத்தில் ஒப்பந்தமாகி நடித்தாராம். அந்தப் படத்தின் படப்பிடிப்பின் போது மௌன ராகம் திரைப்படத்தின் ஒன் லைனை கூறி இருக்கிறார் மணிரத்னம்.

முதலில் கார்த்திக் இல்லை

முதலில் அவர் ஒன் லைன் கூறிய போது கார்த்திக் கதாபாத்திரம் எதுவும் கிடையாதாம். திருமணத்தின் மீது ஈடுபாடு இல்லாத பெண்ணை கட்டாயத்தின் பேரில் திருமணம் செய்து வைக்கிறார்கள். திருமணமான இரண்டாவது நாளில் விவாகரத்து கேட்கிறாள். அந்த பெண் ஒரு வருடம் ஒன்றாக வாழ்க்கை நடத்திய பின்னர் தான் விவாகரத்து கிடைக்கும் என்ற சூழலில் எப்படி அவர்களுக்குள் காதல் மலர்ந்து ஒன்று சேர்கிறார்கள் என்பதுதான் முதலில் சொல்லப்பட்ட கதையாம். அப்போது அதில் கார்த்தி கதாபாத்திரமோ சந்திரமௌலி நகைச்சுவை காட்சிகளோ இல்லையாம்.

பிடிவாதமாக கூறிய ரேவதி

பகல் நிலவு ஷூட்டிங் ஸ்பாட்டில் மணிரத்னம் கூறிய அந்தக் கதையைக் கேட்டவுடன் எப்போது அந்த படத்தை எடுத்தாலும் தான்தான் அதில் கதாநாயகியாக நடிப்பேன் என்று பிடிவாதமாக கூறிவிட்டாராம். அதேபோல மௌன ராகம் திரைப்படத்தை தயாரிப்பாளர்களிடம் மணிரத்னம் கூறியபோது மோகன் மற்றும் ரேவத்தியை வைத்துதான் கதையை கூறினாராம். கதையை கேட்ட பல தயாரிப்பாளர்கள் படம் ஓடாது என்று அப்போது நிராகரித்துள்ளார்கள்.

ரேவதியின் முயற்சி

ஒரு கட்டத்தில் ரேவதியும் மணிரத்தினத்திற்காக தயாரிப்பாளர்களை சந்தித்ததாகவும் கடைசியில் யாரும் அந்த படத்தை தயாரிக்க முன்வராததால் மணிரத்தினத்தின் அண்ணன் ஜி.வெங்கடேஷ்வரன் அந்த படத்தை தயாரித்தார் எனவும் ரேவதி அந்தப் பேட்டியில் பல சுவாரசியமான தகவல்களை கூறியுள்ளார். இன்றுவரை ரேவதி நடித்த படங்களிலேயே மௌன ராகம் முக்கியமான படமாக கருதப்படுகிறது.