நடனப்புயலுக்கு 43 வயசாச்சு பாஸ்

நடன இயக்குநர்

இந்தியாவின் மைக்கேல் ஜாக்சன் என்று புகழப்படும் பிரபுதேவா நடிகர், நடன இயக்குநர், இயக்குநர், தயாரிப்பாளர் என்று பன்முகங்கள் கொண்டவர். மவுன ராகம் படத்தில் இடம்பெற்ற 'பனிவிழும் இரவு' பாடலின் மூலம் தமிழ் சினிமாவில் டான்ஸராக பிரபுதேவா அறிமுகமானார்.

இந்து

1994 ம் ஆண்டு வெளியான இந்து படத்தின் மூலம் நடிகராக பிரபுதேவாவுக்கு புரோமோஷன் கிடைத்தது. தொடர்ந்து காதலன், மிஸ்டர் ரோமியோ, லவ் பேர்ட்ஸ் என்று 50க்கும் அதிகமான படங்களில் இவர் நடித்திருக்கிறார். தமிழ் தவிர தெலுங்கு, மலையாளம், இந்தி மொழிகளிலும் பிரபுதேவா நடித்திருக்கிறார்.

2 தேசிய விருது

நடன இயக்குநராக 2 தேசிய விருதுகளை பிரபுதேவா வென்றுள்ளார். 1997 ம் ஆண்டு 'மின்சார கனவு' படத்தில் இடம்பெற்ற 'ஸ்ட்ராபெர்ரி கண்ணே' மற்றும் 2004 ம் ஆண்டு வெளியான 'லக்ஷயா'(இந்தி) படத்தில் இடம்பெற்ற 'மெயின் அயிஷா க்யு ஹூன்' ஆகிய பாடல்களுக்காக தேசிய விருதுகள் பிரபுதேவாவுக்கு கிடைத்தது.

இயக்குநர்

2004ம் ஆண்டு வெளியாகி தெலுங்கில் ஹிட்டடித்த 'நுவ்வேஸ்தானந்தே நேவுதந்தன்தே' படத்தின் மூலம் இயக்குநராக பிரபுதேவா உருவெடுத்தார். தொடர்ந்து தமிழ், தெலுங்கு, இந்தி என 3 மொழிகளிலும் தற்போது படங்களை இயக்கி வருகிறார். விஜய்க்கு ஹிட் கொடுத்த போக்கிரி, எங்கேயும் காதல் ஆகியவை இவரின் இயக்கத்தில் வெளியான படங்கள் தான்.

நயன்தாரா

நயன்தாராவுடனான காதல் முறிவிற்குப் பின் இந்தி சென்ற பிரபுதேவா, தற்போது காந்தா படத்தின் மூலம் தமிழுக்கு திரும்பி வந்திருக்கிறார். தன்னுடைய 'பிரபுதேவா ஸ்டுடியோஸ்' தயாரிப்பு நிறுவனத்தின் மூலம், தற்போது படங்களையும் இவர் தயாரித்து வருவது குறிப்பிடத்தக்கது.

இனிய பிறந்தநாள் வாழ்த்துக்கள் பிரபுதேவா!