'கங்கிராட்ஸ் சூப்பர் ஸ்டார் ரஜினிகாந்த்...', 'தேங்க்ஸ் கமல்!'

Rajinikanth and Kamal Haasan have congratulated each other for recieving Andhra's prestigious NTR award.

By Shankar

Updated: Wednesday, November 15, 2017, 9:56 [IST]

சென்னை: ஆந்திர மாநில அரசு 2016-ம் ஆண்டுக்காக ரஜினிகாந்துக்கு வழங்கியுள்ள என்டிஆர் விருதுக்கு கமல் ஹாஸன் ட்விட்டரில் வாழ்த்துத் தெரிவித்துள்ளார். அவருக்கு ரஜினிகாந்த் நன்றி கூறியுள்ளார்.

2014-ம் ஆண்டுக்கான ஆந்திர அரசின் என்டிஆர் விருது கமல் ஹாஸனுக்கு வழங்கப்பட்டுள்ளது. அதே போல 2016-ம் ஆண்டுக்கான என்டிஆர் விருது ரஜினிகாந்துக்கு வழங்கப்படுவதாக ஆந்திரப் பிரதேச அரசு அறிவித்துள்ளது.

பெருமைக்குரிய இந்த விருதுகளை வழங்கியதற்காக ஆந்திர அரசுக்கு ரஜினியும் கமலும் நன்றி தெரிவித்துள்ளனர்.

I convey my heartfelt thanks and happiness for the prestigious #NandiAwards granted to me 🙏🏻
— Rajinikanth (@superstarrajini) November 14, 2017

இந்த விருதினைப் பெறும் இரு மாபெரும் கலைஞர்களும் ஒருவருக்கொருவர் வாழ்த்துத் தெரிவித்துக் கொண்டுள்ளனர்.

முதல் வாழ்த்தை கமல் ஹாஸன் தெரிவித்துள்ளார். அவர் பதிந்துள்ள ட்வீட்டில், "கங்கிராட்ஸ் சூப்பர் ஸ்டார் ரஜினிகாந்த். 2016-ம் ஆண்டுக்கான ஆந்திர அரசின் என்டிஆர் விருது பெற்றதற்காக வாழ்த்துகள். இதே விருதினை எனக்கும் 2014-ம் ஆண்டுக்காக வழங்கியுள்ளார்கள். பெருமைக்குரிய இந்த விருதினை அளித்தமைக்கு ஆந்திர அரசுக்கு நன்றி," என்று அவர் குறிப்பிட்டுள்ளார்.

Congratulations, Superstar.Rajinikanth for the NTR National award in 2016. Thank you Andhra for honouring me also, yet again. I am indebted to your continued support, which started early in my career. Kruthagnyathalu
— Kamal Haasan (@ikamalhaasan) November 14, 2017