சரவணன், சூர்யாவாகி இருவது வருஷமாச்சு! - #20YearsOfSuriyaism

முதல் படம் :

சரவணன் நடிகர் சூர்யாவாகி திரையுலகில் காலடி எடுத்து வைத்து இன்றோடு 20 வருடங்கள் ஆகிறது. அவரின் முதல் படமான 'நேருக்கு நேர்' செப்டம்பர் 6, 1997-ல் வெளியானது.

மாறுபட்ட வேடங்கள் :

'நந்தா', 'பிதாமகன்', 'பேரழகன்', 'கஜினி', 'மாற்றான்' உள்ளிட்ட திரைப்படங்களில் வித்தியாசமான கதாபாத்திரங்களை ஏற்று நடித்து தான் ஒரு வெர்சட்டைல் நடிகர் என நிரூபித்திருக்கிறார் சூர்யா.

சமூகப் பணிகள் :

சூர்யா குடும்பத்தினர் 'அகரம்' எனும் பெயரில் ஒரு பொதுநலன் கருதிய, லாப நோக்கற்ற தொண்டு நிறுவனத்தை நடத்தி வருகிறார்கள். ஏழைக் குழந்தைகளின் கல்விக்காக இத்தொண்டு நிறுவனம் பங்காற்றி வருகிறது.

சூர்யா ஜோதிகா ஜோடி :

நடிகை ஜோதிகாவைக் காதலித்துப் பெற்றோர் அனுமதியுடன் 2006-ம் ஆண்டு திருமணம் செய்துகொண்டார். வெற்றிகரமான இந்தத் தம்பதிக்கு தேவ், தியா என்ற இரு குழந்தைகள் உள்ளனர்.

தயாரிப்பு நிறுவனம் :

சூர்யா தொடங்கிய '2D Entertainment' தயாரிப்பு நிறுவனம் '36 வயதினிலே', 'பசங்க 2', '24' படங்களைத் தயாரித்திருக்கிறது. அடுத்து ஜோதிகா நடிக்கும் 'மகளிர் மட்டும்' படத்தைத் தயாரித்து வருகிறது.

இப்படிக்கு சூர்யா :

ஒருவரது வெற்றியை அவரின் பிறப்பு மட்டும் தீர்மானிப்பதில்லை.உழைப்பு தான் தீர்மானிக்கிறது என்னும் தனது வாழ்க்கை அனுபவத்தை எழுத்துக் கண்ணாடியில் பார்த்துக் கொள்ளும் முயற்சியாக தனது வாழ்க்கை வரலாறை 'இப்படிக்கு சூர்யா' எனும் புத்தகமாய் எழுதியிருக்கிறார் சூர்யா.

அறிவிப்பு வருமா? :

இன்று சூர்யா ரசிகர்கள், சூர்யாவின் இருபது வருட நிறைவை சமூக வலைதளங்களில் கொண்டாடி வருகின்றனர். #Surya20 ஸ்பெஷலான இன்று, 'தானா சேர்ந்த கூட்டம்' படத்தின் டீஸர், ட்ரெய்லர் ரிலீஸ் பற்றிய அறிவிப்பு வரலாம் என எதிர்பார்க்கிறார்கள்.