ஜெயம் ரவிக்காக விஜய் விட்டுக் கொடுத்த சூப்பர் ஹிட் படம்... எதுன்னு தெரியுமா ?

விஜய் விட்டுக் கொடுத்த கதை

அதற்கு முன் ரீமேக் படங்களை மட்டுமே இயக்கி வந்த மோகன் ராஜா, முதல் முறையாக சொந்தமாக கதை எழுதிய இயக்கி படம் இது தான். 6 மாதங்களாக யோசித்து இந்த கதையை தயார் செய்துள்ளார் மோகன் ராஜா. விஜய்யை மனதில் வைத்து தான் மோகன் ராஜா இந்த கதையை தயார் செய்தார். ஆனால் கதையை கேட்ட பிறகு, இந்த கதையில் தான் நடிப்பதை விட, ஜெயம் ரவி நடித்தால் பொருத்தமாக இருக்கும் என விஜய்யே சொல்லி விட்டாராம்.

நயன்தாரா தான் கரெக்ட்

அதற்கு பிறகு தான் ஜெயம் ரவியிடம் பேசி உள்ளார். ஆனால் ஹீரோயின் ரோலுக்கு மோகன் ராஜாவின் ஒரே தேர்வு நயன்தாராவாக தான் இருந்துள்ளது. வில்லன் ரோலில் நடிக்க ஆர்யா, அர்ஜுன், மாதவன், அரவிந்த்சாமி, இர்ஃபான் கான் என பலரின் பெயர்கள் அடிபட்டது. இறுதியாக தான் அரவிந்த் சாமியை ஓகே செய்ததாக அறிவித்தார் மோகன் ராஜா. அனைவரையும் ஈர்க்கக் கூடிய சாந்தமான முகமாக இருக்க வேண்டும். அதே சமயம் வில்லத்தனமும் இருக்க வேண்டும் என யோசித்தார்களாம்.

குரல் கொடுத்த அரவிந்த்சாமி

படத்திற்கு டைட்டில் வைக்காமலேயே படத்தின் வேலைகளை துவக்கினர். படம் பாதி முடிக்கப்பட்ட பிறகு தான் டைட்டிலை உறுதி செய்தனர். இசை அமைக்கவும் தேவிஸ்ரீ பிரசாத், யுவன் சங்கர் ராஜா, தமன் என பலரிடமும் கேட்கப்பட்டு, இறுதியாகத் தான் ஹிப்ஹாப் தமிழாவை ஓகே செய்துள்ளனர். இந்த படத்திற்கான 5 பாடல்களையும் ஹிப்ஹாப் தமிழா தான் எழுதி உள்ளார். தீமை தான் வெல்லும் என்ற ப்ரோமோ பாடலுக்கு அரவிந்த்சாமியே வாய்ஸ் கொடுத்தார்.

பின் வாங்கிய சன் பிக்சர்ஸ்

முதலில் இந்த படத்தை சன் பிக்சர்ஸ் நிறுவனம் தான் தயாரிப்பதாக இருந்தது. ஆனால் ஜெயம் ரவியின் முந்தைய படங்கள் வரிசையாக தோல்வி படங்களாக அமைந்ததால், இந்த படத்தை தயாரிக்கும் முடிவிலிருந்து சன் பிக்சர்ஸ் பின்வாங்கியது. அதற்கு பிறகு தான் ஏஜிஎஸ் என்டர்டைன்மென்ட் தயாரிப்பு பொறுப்பை ஏற்றது. பிறகு இந்த படத்தின் சேட்டிலைட் உரிமத்தை சன் டிவி கைப்பற்றியது.

100 கோடி வசூலித்த படம்

2015 ம் ஆண்டு ஆகஸ்ட் 28 ம் தேதி இந்த படம் தியேட்டரில் ரிலீஸ் செய்யப்பட்டது. அமெரிக்காவில் மட்டும் 18 க்கும் அதிகமான தியேட்டர்களில் படம் ரிலீசானது. ரிலீசான முதல் நாளே தமிழகம் முழுவதும் ரூ.4.50 கோடிகளை வசூலித்தது. சென்னையில் முதல் வார இறுதியில் ரூ.1.28 கோடிகளை வசூலித்தது. தியேட்டரில் 50 நாட்கள் ஓடிய இந்த படம் முதல் 10 நாட்களிலேயே ரூ.40 கோடியை வசூலித்தது. மொத்தமாக உலகம் முழுவதும் ரூ.105 கோடிகளை வசூலித்ததாக கணக்கிடப்பட்டது. அந்த ஆண்டில் அதிகம் வசூலான டாப் 10 தமிழ் படங்களில் தனி ஒருவனும் ஒன்று.

பல மொழிகளில் ரீமேக்

தனி ஒருவன் படம் பிறகு தெலுங்கில் துருவ் என்ற பெயரில் ரீமேக் செய்யப்பட்டது. இதில் ராம் சரண், ரகுல் ப்ரீத் சிங் ஆகியோர் நடித்தனர். வில்லன் ரோலில் அரவிந்த்சாமியே நடித்தார். பெங்காலியில் ஒன் என்ற பெயரிலும் இந்த படம் ரீமேக் செய்யப்பட்டது. இந்தியில் டபுள் அட்டாக் 2 என்ற பெயரில் டப் செய்யப்பட்டு, வெளியிடப்பட்டது.

விரைவில் பார்ட் 2

இந்திய அளவில் 2015 ல் வெளியான டாப் 20 படங்களில் தனி ஒருவன் படமும் ஒன்றாக இருந்தது. தனிஒருவன் படத்தின் இரண்டாம் பாகத்தை இயக்க மோகன் ராஜாவும், ஜெயம் ரவியும் திட்டமிட்டுள்ளனர். இந்த ஆண்டு இறுதிக்குள் இதன் அறிவிப்பு வெளியிடப்பட்டு, வேலைகள் துவங்கப்படலாம் என எதிர்பார்க்கப்படுகிறது.