இசையால் மெஸ்மரிசம்... யுவன் சங்கர் ராஜாவால் ஹிட்டடித்த டாஃப் 5 திரைப்படங்கள் !

பூவெல்லாம் கேட்டுப்பார்

இயக்குனர் வஸந்த் இயக்கத்தில் சூர்யா ஜோதிகா நடிப்பில் உருவான பூவெல்லாம் கேட்டுப்பார் படத்தில் தன்னுடைய ஒட்டுமொத்தத் திறமையையும் காட்டி இருந்தார். அந்த திரைப்படத்தில் இடம் பெற்ற சுடிதார் அணிந்து வந்த சொர்க்கமே, பூவ பூவ பூவ பூவே, இரவா பகலா குளிரா மழையா என்ற இந்த மூன்று பாடல்களிலும் வேறலெவல் BGM போட்டு அசத்தி இருப்பார்.

தீனா

அஜீத்துக்கு தல என்று பட்டம் சூட்டி அவரை ஒரு மாஸ் ஹீரோவாக காட்டிய ஏ ஆர் முருகதாஸுக்கு பெரிய வெற்றியாக அமைந்த தீனா படத்தில் யுவனுக்கு மிகப்பெரிய பங்கு இருக்கிறது. அதனால்தான் அன்று முதல் இன்று வரை யுவனும் அஜித்தும் சேரும் படங்கள் மக்களிடம் அவ்வளவு வரவேற்பைப் பெறுகின்றன. அந்த திரைப்படத்தில் இடம் பெற்ற சொல்லாமல் தொட்டுச்செல்லும் தென்றல் யுவன் ரசிகர்களின் ஆல் டம் ஃபேவரைட் பாடலாக உள்ளது.

7ஜி ரெயின்போ காலனி

காதலி இறந்த பின்னும், அவள் நினைவோடு வாழும் காதலன். இது தான், 7ஜி ரெயின்போ காலனி படத்தின் கரு. காதல் கொண்டேன் படத்தின் வழியாக வெளிச்சம் பெற்ற இயக்குனர் செல்வராகவன், இப்படத்தின் மூலம் தனித்துவமான இயக்குனராக, கவனம் பெற்றார். இந்த ஒரு படத்துக்கு மட்டும், 25 தீம் இசைத் துணுக்குகளை உருவாக்கியிருந்தார், யுவன் சங்கர் ராஜா. இசையின் வழியே உணர்வுகளை கடத்தியிருந்தார். அவரின் இசைப் பயணத்தில், 7ஜி ரெயின்போ காலனி மிக முக்கிய படம் .நா.முத்துக்குமாரின் வரிகள், இளைஞர்களை என்னவோ செய்தது. நினைத்து நினைத்து பார்த்தால், கனா காணும் காலங்கள், நாம் வயதுக்கு வந்தோம், கண் பேசும் வார்த்தைகள், இது போர்க்களமா, ஜனவரி மாதம், நினைத்து நினைத்து பார்த்தேன் ஆகிய பாடல்கள் மிகப்பெரிய வெற்றியைப் பெற்றன.

மன்மதன்

சிம்பு கதை, திரைக்கதை எழுதிய திரைப்படம் மன்மதன். இப்படத்தில் ஜோதிகா, சிந்து துலானி, கவுண்டமணி, செந்தில் உள்ளிட்ட பலர் சிம்புவுடன் நடித்திருந்தார்கள். இப்படத்தில் சிம்பு இரட்டை வேடத்தில் நடித்திருந்தார். முழுக்க டிஜிட்டல் தொழில்நுட்பத்தில் மெருகேற்றப்பட்டு இந்தப் படம் வெளியாகியது. யுவன் இசையமைப்பில் வெளியான இந்தப் படம் மாபெரும் வரவேற்பைப் பெற்றது.

சென்னை 600028

கிரிக்கெட் விளையாட்டை மையமாக வைத்து வெங்கட்பிரபு இயக்கி திரைப்படம் தான் சென்னை 600028. இத்திரைப்படம் நட்பு மற்றும் காமெடி கலந்த திரைப்படமாக இருந்தது. சென்னை 28 என்ற படத்திற்கு ஒரு வேளை யுவன் சங்கர் ராஜா இசையமைக்காமல் இருந்திருந்தால் நாங்கள் இவ்வளவு தூரம் வந்து இருப்போமா என்று தெரியவில்லை என்று இயக்குனர் வெங்கட்பிரபு பல முறை சொல்லியிருக்கிறார்.