டிவி சீரியலில் மீண்டும் புவனேஸ்வரி..

நடிகன் ஆசையில்

உமா சங்கர் தன் வாழ்நாளில் எப்படியாவது ஒரு பெரிய நடிகனாக வேண்டும் என்ற ஆசை கொண்டவர். இதற்காக அவ்வப்போது நடிக்கும் கதாபாத்திரமாகவே மாறுவது அவரது வழக்கம்.

இதனால் இவரது மாமியாரான வனசுந்தரி இவரை கொஞ்சம் கூட மதிப்பதில்லை.

சான்ஸ் கிடைத்தது

உமா சங்கர் எதிர்பார்த்தது போலவே திடீரென ஒருநாள் வாய்ப்பு கிடைக்கிறது. அதுவும் நடிகை யாமினிக்கு கணவராக நடிக்க கிடைத்த வாய்ப்பை நன்றாக பயன்படுத்திக் கொள்கிறார் உமா சங்கர்.

யாமினியின் மனதில்

உமா சங்கரின் நடிப்பு யாமினியை கவரவே, தனியாக சந்தித்து பேசுகிறாள் யாமினி. அதோடு நில்லாமல் உமா சங்கருக்கு ரூ.மூன்று லட்சம் சம்பளம் கொடுத்து தனக்கு ஆலோசகராக நியமிக்கிறாள் யாமினி.

மேனேஜருக்கு சிக்கல்

இதன்பிறகு யாமினி அனைத்திற்கும் உமா சங்கரையே நாட, யாமினியிடம் பணிபுரியும் மேனேஜர் ஏபிசிக்கு பல விதங்களில் இழப்பு ஏற்படுகிறது. அதுமட்டுமின்றி பல சந்தர்ப்பங்களில் ஏபிசியின் மூக்கை உடைக்கும் உமா சங்கரை எப்படியாவது இங்கிருந்து துரத்தி விட வேண்டும் என்று முடிவு செய்து அதற்கென திட்டமிடுகின்றான் ஏபிசி.அவன்முயற்சி பலித்ததா என்பது அடுத்து வரும் பரபரப்பு காட்சிகள்.

நடிகை புவனேஸ்வரி

யாமினியின் வரவால் உமாசங்கரின் குடும்பத்தில் ஏற்படுத்தப் போகும் சலசலப்புகள் அடுத்தகட்ட விறுவிறுப்பு. நீண்ட இடைவெளிக்குப் பின் நடிகை புவனேஸ்வரி நடிகை யாமினியாக இந்த தொடரில் நடிக்கிறார்.