நம்ம மதுரை சிஸ்டர்ஸ் சீரியலில் இருந்து விலகிய சாயா சிங்... அவருக்கு பதிலாக யாரு நடிக்கறாங்க பாருங்க!

நடிகை சாயா சிங்

நடிகை சாயா சிங் கன்னடத்தில்தான் தன்னுடைய சினிமா கேரியரை துவக்கினார். கடந்த 2000ல் இவர் நடிப்பில் வெளியான முன்னுடி படம் இவருக்கு சிறப்பாக அமைந்தது. தொடர்ந்து கன்னடத்தில் 7 படங்களில் நடித்துள்ளார். அதன்பின்பே தமிழில் திருடா திருடி என்ற படத்தில் தனுஷுடன் இணைந்து நடித்தார்.

ரசிகர்களை கவர்ந்த நடனம்

இந்தப் படத்தில் அவரது நடிப்பு மற்றும் நடனம் இரண்டுமே ரசிகர்களை வெகுவாக கவர்ந்தது. இந்தப் படத்தில் இடம்பெற்ற மன்மத ராசா பாடல் ரசிகர்களின் எவர்கிரீன் பேவரிட்டாக உள்ளது. தொடர்ந்து விஜய்யுடன் இவர் கும்பிட போன தெய்வம் பாடலுக்காக போட்ட ஆட்டமும் ரசிகர்களின் பேவரிட் லிஸ்ட்டில் எப்போதும் காணப்படுகிறது.

சின்னத்திரையில் பிசி

20 ஆண்டுகளுக்கும் மேலாக சினிமாவில் தொடர்ந்து நடித்து வருகிறார் சாயா சிங். தற்போது கேரக்டர் ரோல்களில் இவரை பார்க்க முடிகிறது. கடந்த 2011ல் இவர் நடிப்பில் நாகம்மா என்ற சீரியல் வெளியானது. இது இவரது முதல் சீரியல். தொடர்ந்து சின்னத்திரையிலும் பிசியாக பயணித்து வருகிறார் சாயா சிங்.

நம்ம மதுரை சிஸ்டர்ஸ் தொடர்

தற்போது கலர்ஸ் தமிழில் ஒளிபரப்பாகி வரும் நம்ம மதுரை சிஸ்டர்ஸ் சீரியலில் முதன்மை கதாபாத்திரத்தில் நடித்து வருகிறார். நான்கு சகோதரிகளின் பாசப் போராட்டத்தை கதைக்களமாக கொண்டு ஒளிபரப்பாகிவரும் இந்த தொடரில் மூத்த சகோதரியாக இந்திராணி என்ற கேரக்டரில் நடித்து வருகிறார்.

தொடரிலிருந்து விலகல்

ஆனால் தற்போது இந்த சீரியலில் இருந்து இவர் விலகியுள்ளதாக கூறப்படுகிறது. வரும் மே மாதம் 25ம் தேதிக்கு பிறகான எபிசோட்களில் இவருக்கு பதிலாக நடிகை ஸ்ருதி லட்சுமி இந்திராணியாக நடிக்க உள்ளதாகவும் தெரிவிக்கப்பட்டுள்ளது. மலையாள சின்னத்திரை நடிகையான ஸ்ருதி லட்சுமி முன்னதாக நீ வருவாயா என்ற சீரியலில் நடித்துள்ளது குறிப்பிடத்தக்கது.

ரசிகர்கள் ஏமாற்றம்

மிகவும் அதிகமான ப்ரமோக்களுடன் நம்ம மதுரை சிஸ்டர்ஸ் சீரியல் துவங்கப்பட்டது. இந்தத் தொடரில் சிறப்பான கதாபாத்திரத்தில் நடித்துவந்தார் சாயா சிங். இந்நிலையில் இவர் தொடரிலிருந்து விலகியுள்ளது ரசிகர்களை ஏமாற்றத்திற்கு உள்ளாகியுள்ளது. இவரது விலகலுக்கான காரணம் குறித்து தயாரிப்பு தரப்பு எந்த விளக்கமும் இதுவரை அளிக்கவில்லை.

இந்திராணியாக ஸ்ருதி லட்சுமி

ஆனால் சாயா சிங் விலக உள்ளதும் ஸ்ருதி லட்சுமி இந்திராணி கேரக்டரில் நடிக்கவுள்ளதும் தயாரிப்பு தரப்பில் உறுதி செய்யப்பட்டுள்ளது. மேலும் ஸ்ருதி லட்சுமியும் இது குறித்து சமீபத்திய பேட்டியில் உறுதிப்படுத்தியுள்ளார். மலையாள சீரியல் நடிகையான இவர் சிறந்த நடிகைக்கான கேரள மாநில விருதை பெற்றவர்.