ஜெமினி டிவியில் குடும்ப பிரச்சினையை தீர்க்கக் போகும் எம்.எல்.ஏ ரோஜா

ரோஜா காலம்

செம்பருத்தியில் அறிமுகமான நடிகை ரோஜா 90களில் தமிழ் சினிமா உலகின் கனவுக் கன்னியாக வலம் வந்தார். சூப்பர் ஸ்டாருடன் ஜோடியாக நடித்த அவர், தற்போது அழகான அம்மா நடிகையாகவும் நடித்து வருகிறது.

நடிப்பு + அரசியல்

செல்வமணியை திருமணம் செய்து தமிழ்நாட்டு மருமகளாக இருந்தாலும் ஆந்திர அரசியலுக்கு சென்று அங்கேயும் வெற்றி பெற்று விட்டார். தற்போது தொலைக்காட்சி நிகழ்ச்சிகளையும் நடத்தி வருகிறார்.

தெலுங்கு சேனல்

ஜீ தமிழ் டிவியில் தற்போது ஜீன்ஸ் என்ற நிகழ்ச்சியை நடத்தி வருகிறார். இதில் அழகான ஆடைகள் அணிந்து வந்து நிகழ்ச்சியை அழகாக நடத்தி செல்கிறார். ரோஜாவின் தாய் மொழி தெலுங்கு என்பதால் தற்போது தெலுங்கு டிவியிலும் நிகழ்ச்சிகளை நடத்துகிறார்.

குடும்ப பிரச்சினைகள்

புது முயற்சியாக இவர் தெலுங்கு ஜெமினி டிவியில் ரக்சா பந்தா என்ற நிகழ்ச்சியை நடத்த இருக்கிறார். இந்த நிகழ்ச்சி குடும்ப பிரச்சனைகளில் எது தவறு எது சரி என்று ஆராயும் நிகழ்ச்சியாம்.

தீரும் சிக்கல்கள்

ஜீ தமிழில் ஒளிபரப்பாகும் சொல்வதெல்லாம் உண்மை நிகழ்ச்சி போன்றது. இந்நிகழ்ச்சி தற்போது ஜெமினி டிவியில் ஒளிபரப்பாகி வருகிறது. தெலுங்கில் சரளமாக பேசி சிக்கலை தீர்த்து வைக்கிறாராம். இதற்கான முன்னோட்டத்தைப் பார்த்தே ஏராளமானோர் ரோஜாவை பாராட்டி வருகின்றனராம்.