roja serial: ஒரு வழியா அணு அஷ்வின் கல்யாணம் நின்னு போச்சு!

அஷ்வின் அணு

அணு ஜெயிலுக்கு போகாம தான் தப்பிக்கணும்னா அஷ்வினை கல்யாணம் செய்துகிட்டு, அன்னபூரணி பாட்டி வீட்டில் தஞ்சம் அடைந்தால்தான் ஆச்சு என்று ரெண்டாவது பிளான் போட்டுவிடுகிறாள். முதல் பிளான் அர்ஜுனை கல்யாணம் செய்துக்கறதுன்னு போட்டது. அவன் உஷாராகி தப்பிச்சான். ரோஜாவை கல்யாணம் செய்துக்கொண்டு வந்துட்டான்.

வைஃபி குல்ஃபி

ரோஜாவை அர்ஜுன் ஆசையா குல்ஃபின்னு கூப்பிடறதும். திடீர்னு வைஃபின்னு கூப்பிடறதும் என்று, அர்ஜுன் ரோஜா ரொமான்ஸ் வைக்கறதும்... பாட்டியை வெறுப்பேத்த அர்ஜுன் வசனம் பேசுவதும் என்று வீட்டுக்குள்ளேயே ஒரு எபிசோட் முழுவதுமான காட்சி என்றாலும் வசனத்தை வைத்து சமாளித்து விடுகிறார் இயக்குநர்.

கல்யாண மண்டபம்

கல்யாண மண்டபத்தில் கல்பனா, ரோஜா, அணு, யசோதா, பாலு, அன்னபூரணி, காமாட்சி என்று அனைவருக்கும் சரி சமமா வசனம், காட்சி என்று நடிக்க வைத்து எடுத்து இருப்பதால்தான் ரெண்டு வாரமா கல்யாண மண்டப காட்சிகள் இருந்தாலும், பார்ப்பவர்களுக்கு சலிப்பு தட்டவில்லை. விதம் விதமான... கலர் கலரான பட்டுப் புடவையில் பெண்கள் வளைய வரும் கல்யாண மண்டப காட்சி எப்போதுமே சலிப்புத் தட்டாதுதானே!

உயிரோடு பூஜா

பூஜாவை கடத்தி வச்சு, தான் அஷ்வின் மாமாவை கல்யாணம் செய்துக்கணும்னு சாக்ஷியுடன் சேர்ந்து திட்டம் போடும் அணுவின் திட்டம் போலீஸ், மற்றும் அர்ஜுனுக்கு தெரிஞ்சு போகுது. சாக்ஷி பூஜாவை சவப்பெட்டியில் வச்சு புதைத்து விட, சினிமாவையும் மிஞ்சும் செம சீன் போட்டு அர்ஜுன், இன்ஸ்பெக்டர் சந்திரகாந்தா இருவரும் காப்பாத்திடறாங்க. புதைக்கப்பட்ட பூஜா உயிரோடு கிடைச்சுடறா.

ஒளிபரப்பில் ஒன்னு

ப்ரோமோவில் ஒன்னு... ஒளிபரப்பில் ஒன்னு என்று சீரியல் ஆர்வலர்களை பகீர் ஆக்கிருச்சு ப்ரோமோ. அஷ்வின் அனுவின் கழுத்தில் தாலியே கட்டி விட்டது போல் ப்ரோமோ காட்டிட்டு, ஒளிபரப்பில் தாலியை கழுத்தில் வச்சு முடிச்சு போட போறான் அஷ்வின். அப்போதுதான் நிறுத்துங்கன்னு அர்ஜுன் கத்த கல்யாணம் நின்னு போச்சு.