பிக் பாஸ் வீட்டிற்கு ஆரவ் வந்தது ‘இந்த’ முக்கியமான வேலைக்காகத் தான்!

ஆரவ் வருகை:

இந்நிலையில், பிக் பாஸ் சீசன் 2 வீட்டிற்கு விருந்தினராக கடந்த சில நாட்களுக்கு முன் சென்றார் ஆரவ். ஏற்கனவே சினேகன், வையாபுரி, காயத்ரி, ஆரத்தி, சுஜா என முதல் சீசன் போட்டியாளர்கள் அங்கு சென்றிருப்பதால், ஆரவ்வும் போட்டியாளர்களை மகிழ்விப்பதற்காகவே அங்கு சென்றிருக்கிறார் என மக்கள் கருதினர்.

மருத்துவ முத்தம்:

அவரும் போட்டியாளர்களுக்கு டாஸ்க் கொடுத்து, தானும் டாஸ்க்கில் கலந்து கொண்டு பிக் பாஸ் வீட்டை கலகலப்பாக்கினார். மறக்காமல் பாலாஜிக்கு மருத்துவ முத்தமும் கொடுத்தார். பின்னர் அவர் வீட்டில் இருந்து வெளியேற வேண்டிய நேரத்தை பிக் பாஸ் அறிவித்தார்.

ராஜபீமா:

அப்போது தான் தெரிந்தது பிக் பாஸ் வீட்டிற்கு ஆரவ் ஏன் வந்தார் என்று. பிக் பாஸ் வீட்டில் வைத்து ஆரவின் பர்ஸ்ட் லுக் போஸ்டர் வெளியிடப்பட்டது. இந்தப் படத்துக்கு 'ராஜபீமா' எனப் பெயரிடப்பட்டுள்ளது. புதுமுக இயக்குநர் சந்தோஷ் நரேஷ் இப்படத்தை இயக்குகிறார். இந்த பர்ஸ்ட் லுக் போஸ்டரில் யானையுடன் ஆரவ் உள்ளார்.

நன்றி:

இது தொடர்பாக அவர் தனது ட்விட்டரில், ``இது எனக்கு முக்கியமான நாள். எனக்கு ஆதரவளித்தவர்களுக்கு நன்றி. இது நிச்சயம் நல்ல படமாக இருக்குமென நம்புகிறேன்'' என்று பதிவிட்டுள்ளார். ஆரவ் படத்தின் பெயர் பிக் பாஸ் வீட்டில் வைத்து வெளியிடப்பட்டுள்ளதால் அவரது ரசிகர்கள் மகிழ்ச்சி அடைந்துள்ளனர்.