பாவனியை விடாத அமீர்.. பிக் பாஸ் ஜோடிகள் 2.. யாருக்கு யார் ஜோடின்னு பாருங்க.. வேறலெவல் புரமோ!

பிக் பாஸ் ஜோடிகள்

பிக் பாஸ் ஜோடிகள் முதல் சீசனை ரம்யா கிருஷ்ணன், நகுல் நடுவராக இருந்து நடத்தினர். பாலாஜி முருகதாஸ், ஷிவானி நாராயணன், அனிதா சம்பத், ஜூலி, கேபி, ஆஜித் என பலர் நடனமாடினர். அனிதா சம்பத் மற்றும் ஷாரிக் ஜோடி டைட்டிலை தட்டிச் சென்றனர். வனிதா விஜயகுமார் ரம்யா கிருஷ்ணன் உடன் பிரச்சனை செய்து நிகழ்ச்சியில் இருந்து வெளியேறியது பரபரப்பை கிளப்பியது. இந்நிலையில், இரண்டாவது சீசனில் என்னவெல்லாம் நடக்கப் போகிறது என்பதை பார்க்க ரசிகர்கள் ரெடியாகி விட்டனர்.

ராஜு, பிரியங்கா

ராஜு மற்றும் பிரியங்கா ஜோடி போட்டு ஆட போகிறார்களா? அல்லது நிகழ்ச்சியை தொகுத்து வழங்க போகிறார்களா என்பது தெரியவில்லை. ஆனால், பிக் பாஸ் ஜோடிகள் 2 புரமோவை ஆரம்பித்து வைப்பது இவர்கள் இருவரும் தான். ராஜு மற்றும் பிரியங்காவை பார்த்ததும் ரசிகர்கள் உற்சாகமடைந்து ஹார்ட்டீன்களை போட்டு வருகின்றனர். இருவரும் இணைந்து ஆடினால் வேறலெவலில் இருக்கும்.

யாருக்கு யார் ஜோடி

வேல்முருகன் - இசைவாணி ஒரு ஜோடி, ஐக்கி பெர்ரி - தேவ், அபிஷேக் - சுருதி, பாவனி - அமீர், ஹாரதி - கணேஷ், சுஜா - சிவகுமார், தாமரை - பார்த்தசாரதி மற்றும் இவர்களுடன் டேனி உள்ளிட்ட பிக் பாஸ் பிரபலங்கள் கலந்து கொள்கின்றனர் என்கிற அசத்தலான புரமோ தற்போது வெளியாகி டிரெண்டாகி வருகிறது. இந்த சீசனுக்கும் ரம்யா கிருஷ்ணன், நகுல் நடுவர்களாக இருப்பார்களா? அல்லது புதிய நடுவர்கள் வருவார்களா? என்பதை வெயிட் பண்ணி பார்ப்போம்.

பாவனியை விடமாட்டார் போல

பிக் பாஸ் சீசன் 5ல் பாவனி ரெட்டி பின்னாடி சுற்றிக் கொண்டிருந்த அமீர், விஜய் டிவியின் நிகழ்ச்சிகளுக்கும் அவருடனே சேர்ந்து சுற்றி வருகிறார். இந்நிலையில், பிக் பாஸ் ஜோடிகள் 2 நிகழ்ச்சியில் பாவனி ரெட்டியும் அமீரும் ஜோடியாக இணைந்து நடனமாட உள்ள நிலையில், இந்த ஜோடி தான் வெற்றி பெறும் என்றும் பாவனியை விட மாட்டார் போல அமீர் என கமெண்ட்டுகளை ரசிகர்கள் போட்டுத் தாக்கி வருகின்றனர்.

அபிநய், நிரூப் எங்கே

தாமரை செல்விக்கு பிக் பாஸ் விட்டு வெளியே வரும் எண்ணமே இல்லை போல என கமெண்ட் செய்து கலாய்த்து வருகின்றனர் ரசிகர்கள். மேலும், அபிநய், நிரூப், அக்‌ஷரா, வருண் எல்லாம் எங்கே பாஸ் என கேள்வி எழுப்பி வருகின்றனர். வரும் மே 8ம் தேதி முதல் ஞாயிறுதோறும் இரவு 7.30 மணிக்கு விஜய் டிவியில் இந்த நிகழ்ச்சி ஒளிபரப்பாக உள்ளது.