வனிதாவின் அடுத்த டார்கெட் தர்ஷன்.. மிஷனை தவிடு பொடியாக்கிய லாஸ்.. இத தாம்மா நாங்க எதிர்பார்க்குறோம்!

வனி அக்கா:

அந்தவகையில் இன்று யாரையும் தூண்டி விடாமல் தானே களத்தில் இறங்கி இருக்கிறார் வனி அக்கா. தர்ஷனிடம் நேராகச் சென்று அவரே சண்டை போடுகிறார். ‘நீ ரொம்ப கோபப்படுற' என அவரை கோபப்படுத்துகிறார். லாஸ்லியாவும் கோபப்படுவது இந்தப் புரொமோவில் தெரிகிறது.

விவாதம்:

நிச்சயம் இது ஏதோ டாஸ்க்காகத்தான் இருக்க வேண்டும். காரணம் சிறையில் இருந்து அபியும், கஸ்தூரியும் விடுதலை செய்யப்பட்டு இந்த டாஸ்க்கில் பங்கேற்றுள்ளனர். ஏதோ விவாதம் போல் தெரிகிறது. சேரனும், வனிதாவும் இதற்கு நடுவர்கள் போல.

லாஸ்லியா கோபம்:

ஆனால், வனிதாவே எல்லோரையும் தூண்டி விட்டு சண்டையை உருவாக்குகிறார். கடந்த சில நாட்களாகவே லாஸ்லியாவும் நல்ல சண்டை மோடில் இருக்கிறார். யார் கிடைத்தாலும் கடித்து குதறி விடும் ஆவேசத்துடன் தான் அவர் காணப்படுகிறார். அதுவும் நன்றாக சென்று கொண்டிருந்த பிக் பாஸ் வீட்டில் வனிதா ஏற்படுத்தும் குழப்பங்களால் அவர் ஏகத்துக்கும் காண்டாகி இருக்கிறார்.

மதுவுடன் சண்டை:

நேற்றைய எபிசோட்டிலேயே மதுவை ஒரு கை பார்த்து விட்டார் லாஸ்லியா. இன்றைய புரொமோ மூலம் அவர் வனிதாவையும் விளாசுகிறார் என்பது தெரிய வருகிறது. பிரச்சினைகளில் இருந்து ஒதுங்கியே இருந்த லாஸ்லியா, தற்போது இப்படி அநீதிக்கு எதிராக குரல் கொடுத்து வருவது அவரது ரசிகர்களை மகிழ்ச்சி அடைய வைத்துள்ளது.

மிஷன் வனிதா:

நிச்சயம் இன்று இரவு நல்ல எண்டர்டெயின்மெண்ட் இருக்கும் என எதிர்பார்க்கலாம். பிக் பாஸ் வீட்டிலேயே தெளிவாக, மனதில் பட்டதை நறுக்கென சொல்பவர்கள் தர்ஷனும், லாஸ்லியாவும் தான். இன்று அவர்களையே வனிதா சீண்டியிருக்கிறார். மிஷன் லாஸ்லியா என்று கூறி விட்டு பிக் பாஸ் வீட்டிற்குள் வனிதா வந்தார். ஆனால் லாஸ்லியாவின் கோபத்தைப் பார்த்தால், அது மிஷன் வனிதா ஆகி விட்டதாகவே தெரிகிறது. பார்க்கலாம் இன்று என்ன நடக்கிறது என.