பிக்பாஸ் வெற்றியாளர் - ஓவியாவின் மனங்கவர் நாயகன் ஆரவ்!

நான்காவது இடம் :

பிக்பாஸ் நிகழ்ச்சியில் மக்களின் வாக்குகளின் அடிப்படையில் 4 பேரில் ஒரு வெற்றியாளர் தேர்வு செய்யப்படுகிறார். இந்நிலையில், மூன்றாவது ரன்னர்-அப்பாக கணேஷ் வெங்கட்ராம் அறிவிக்கப்பட்டார். அவரை கணேஷின் மனைவி நிஷா மேடைக்கு அழைத்து வந்தார்.

மூன்றாவது இடம் :

இரண்டாவது ரன்னர்-அப்பாக நடிகர் ஹரீஷ் கல்யாண் அறிவிக்கப்பட்டார். அவரை, நடிகை ஓவியா பிக்பாஸ் வீட்டுக்குள் சென்று, மேடைக்கு அழைத்து வந்தார்.

ரன்னர்-அப் :

முதல் ரன்னர் அப்-பாக கவிஞர் சினேகன் அறிவிக்கப்பட்டார். பிக்பாஸ் வீட்டை விட்டுக் கிளம்பும்போது சினேகனும் ஆரவும் கண்கலங்கினர். அவர்கள் இருவரையும் கமல்ஹாசன் மேடைக்கு அழைத்து வந்தார்.

டைட்டில் வின்னர் :

இறுதியாக, பிக்பாஸ் சீசன் 1 வெற்றியாளராக நடிகர் ஆரவ் அறிவிக்கப்பட்டார். மக்களின் வாக்குகளின் அடிப்படையில் ஆரவ் வெற்றியாளராகத் தேர்வு செய்யப்பட்டிருக்கிறார்.

ரசிகர்கள் ஆரவாரம் :

பிக்பாஸ் வெற்றியாளராக அறிவிக்கப்பட்டதும் ஆரவ் உணர்ச்சிவசப்பட்ட நிலையில் ட்ராஃபியை பெற்றுக்கொண்டார். வெற்றியாளர் ஆரவ் என அறிவிக்கப்பட்டதும் ஓவியா உள்பட பார்வையாளர்கள் அனைவரும் ஆரவாரத்தோடு மகிழ்ச்சியை வெளிப்படுத்தினர்.