வில்லியாக நடிக்க ஆசை… 'பாண்டவர் பூமி' ஷமீதா

ராஜேஸ்வரியின் தங்கை

சேரனின் பொற்காலம் படத்தில் நடித்த ராஜேஸ்வரியின் தங்கை தான் ஷமீதா. நடிக்க வந்தது எதிர்பாராமல் வந்தது. பாண்டவர் பூமியில் சேரன் வாய்ப்பு கொடுத்தார். அந்த படம் நன்றாக போனது ஆனாலும் தொடர்ந்து நடித்த நான்கு படங்கள் வெளிவரவில்லை. அதனால் சீரியலுக்கு நடிக்க வந்து விட்டேன் என்கிறார்.

ஆபிஸ் போற மாதிரி

சீரியல் போவது ஆபிஸ் போவது மாதிரி ஜாலியாக இருக்கும் என்கிறார். அதனால் சினிமாவை விட சீரியலில் நடிக்கப் பிடித்திருக்கிறது என்கிறார்.

வாணி ராணி பார்ப்பேன்

ராதிகாவில் நடிப்பு ரொம்ப பிடிக்கும் என்பதால் டிவியில் வாணி ராணி சீரியல் மட்டும்தான் பார்ப்பாராம்.

ஸ்ரீ யுடன் காதல்

சன்டிவியில் சிவசக்தி தொடரில் தன்னுடன் நடித்த ஸ்ரீ யை காதலித்து திருமணம் செய்து கொண்டார். இவர் இசையமைப்பாளர் (சங்கர்) கணேசின் மகன்தான் ஸ்ரீ. இவரும் சின்னத்திரையில் பல சீரியல்களில் நடித்து வருகிறார்.

காதலை சொன்ன ஷமீத

சிவசக்தி தொடரில் நடிக்கும் போதே பிடித்துவிட்டது. நான்தான் முதலில் காதலை சொன்னேன். கல்யாணம் பண்ணிக்கிறயா என்று அவர் கேட்டார். உடனே ஓகே சொல்லிட்டேன்.

சமைக்க பிடிக்கும்

சீரியலில் நடித்தாலும் நன்றாக காரசாரமாக சமைப்பாராம் ஷமீதா. தன்னுடைய காரசாரமான சமையல் கணவர் ஸ்ரீக்கு பிடிக்குமாம்.

வில்லியாக நடிக்க ஆசை

தனக்கு கோபம் அதிகம் வரும் என்று கூறும் ஷமீதா, விரைவில் சின்னத்திரையிலோ, வெள்ளித்திரையிலோ அழகான வில்லியாக நடிக்க ஆசை என்கிறார்.