ஃபேமிலி அருமை தெரியனும்னா...சர்வைவருக்கு பின் இந்திரஜா போட்ட முதல் போஸ்ட்

முதல் பதிவு

நிகழ்ச்சியில் இருந்து வெளியறே்றப்பட்ட இந்திரா, இன்று இன்ஸ்டாகிராமில் தனது முதல் பதிவை, சர்வைவரில் தான் பங்கேற்ற ஃபோட்டோக்களுடன் பகிர்ந்துள்ளார். உணர்ச்சிகரமான இவரின் பதிவை ஏராளமானவர்கள் லைக் செய்து வருகின்றனர். நேற்று இந்திரஜா எலிமினேட் ஆன போதும் பலர் அவரை, சிங்கப் பெண்ணே என பாராட்டி கமெண்ட் செய்திருந்தனர்.

நன்றி மக்களே

இந்திரஜா தனது பதிவில், சர்வைவர் பயணத்தில் எனக்கு நீங்கள் அளித்த அன்பிற்கும் ஆதரவிற்கும் ரொம்ப நன்றி மக்களே. நீங்கள் இல்லாமல் என்னால் இதை செய்திருக்க முடியாது. ஜீ தமிழ் சர்வைவர் டீமுக்கு எனது மிகப் பெரிய நன்றி. இந்த வாய்ப்பை எனக்கு தந்த குழுவினருக்கும் நன்றி. என்னை நன்றாக வழி நடத்திய அர்ஜுன் சாருக்கும் நன்றி.

போட்டியாளர்களுக்கு நன்றி

எனது சக போட்டியாளர்கள் அனைவருக்கும் அடி மனதில் இருந்து நன்றி சொல்லிக் கொள்கிறேன். நீங்கள் தான் எனக்கு எனது ப்ளஸ் மற்றும் மைனசை கற்றுக் கொடுத்தீர்கள். என்னை அக்கறையுடனும் பார்த்துக் கொண்டீர்கள். எப்போதும் என் மீது நம்பிக்கை வைத்து என் உடன் இருக்கும் என் குடும்பத்தினருக்கு எனது அன்பான நன்றி.

ஃபேமிலி அருமை தெரியனுமா

நான் இருக்கும் வரை ஒவ்வொரு மில்லி செகண்டும் உங்கள் அனைவரையும் நேசித்துக் கொண்டே இருப்பேன். ஃபேமிலியோட அருமை தெரியனும்னா சர்வைவர் ஷோ போய்ட்டு வாங்க என குறிப்பிட்டுள்ளார் இந்திரஜா. அவர் சிறப்பாக விளையாடிதற்காக பலரும் அவரை பாராட்டி வருகின்றனர். நீ சிறப்பாக விளையாடி இருக்கிறாய். நீ உனது 200 சதவீதம் பங்களிப்பை கொடுத்திருக்கிறாய். நீ இதுவரை வந்ததே வெற்றி பெற்றதற்கு சமம் என பலரும் கமெண்ட் செய்து வருகின்றனர்.

குவியும் பாராட்டுக்கள்

ஏற்கனவே விஜய் நடித்த பிகில் படத்தில் பாண்டியம்மா ரோலில் நடித்து மிகவும் பிரபலமாகி விட்டார் இந்திரஜா. இந்நிலையில் தற்போது சர்வைவர் நிகழ்ச்சியில் போட்டியாளராக கலந்து கொண்டதால் இந்திரஜா கவனிக்கப்படும் ஸ்டார் ஆகி விட்டார்.