செல்லப்பிராணிகளை மகிழ்விக்கும் டி.வி. நிகழ்ச்சி

டாக் டி.வி:

காவல் காப்பதோடு, வீட்டின் செல்லப்பிராணியாகவும் நாய்கள் வலம் வருகின்றன. மனிதர்களுக்கு இருப்பதைப் போலவே அவைகளுக்கும் பொழுதுபோக்குகள் வேண்டும் என யோசித்த பிடிவி மீடியா லிமிடெட், பல ஆராய்ச்சிகளை செய்து, வீட்டில் தனியாக இருக்கும் நாய்களுக்கென 'டாக் டி.வி' என்ற பெயரில் சேனல் ஒன்றை ஆரம்பித்தது. இதன் மூலமாக நாய்களின் மனஅழுத்ததை குறைக்கலாம் என கூறியது.

ஆதரவு:

அனைத்து வகையான, வயதான நாய்களுக்கான நிகழ்ச்சிகளை ஒளிபரப்புவதால், டாக் டி.விக்கு மக்களிடையே நல்ல வரவேற்பு இருந்து வருகிறது. இந்த டிவியை பார்க்கச்செய்து விட்டு வெளியே செல்லும் போது, வீட்டில் நாய்கள் பாதுகாப்பாக, அதே சமயம் மகிழ்வாக இருப்பதாக மக்கள் நினைக்கிறார்கள்.

டி.வி. நிகழ்ச்சி:

இதனைத் தொடர்ந்து, இஸ்ரேல் நாட்டு கேபிள் டி.வி. நிறுவனமும் செல்லப்பிராணிகளை மகிழ்விக்க ஒரு டி.வி. நிகழ்ச்சி ஒன்றை அறிமுகம் செய்துள்ளது.சுமார் 6 நிமிடம் ஒளிபரப்பாகும் இந்த நிகழ்ச்சியை, நாய்கள் ரசித்து கேட்கும் இசை மற்றும் சிறப்பு வர்ணத்துடன் வழங்குகிறார்கள்.

( 'இங்க உங்களுக்கே கரண்ட் இல்ல, இதுல எங்களுக்கு எதுக்கு இதெல்லாம். ம்ம்... கொடுத்து வச்சதுங்க அமெரிக்க, இஸ்ரேல் நாட்டு நாய்க... ' என உங்கள் வீட்டு செல்லப்பிராணிகளின் மைண்ட் வாய்ஸ் உங்களுக்கும் கேட்டிருக்கும்னு நினைக்கிறோம்.)