பொங்கலன்று மறக்காம கத்துக்குட்டி பாருங்க!

By Shankar

Published: Wednesday, January 13, 2016, 17:56 [IST]

திரையில் பூக்கும் சில நல்ல மலர்களை ரசிகர்கள் பெரிதாக கவனிக்கத் தவறுகிறார்களே என்ற ஆதங்கம் ஒவ்வொரு ஆண்டும் எழாமல் இருப்பதில்லை, கத்துக்குட்டி போன்ற படங்கள் பெரும் வெற்றி பெறாமல் போகும்போது.

கத்துக்குட்டி நம் மண் சார்ந்த கதை. விவசாயமும் விவசாயியும் அழியக் கூடாது என்று குரல் கொடுத்த படம். மீத்தேன் வாயு எடுக்கப்பட்டால், தமிழகத்தின் நெற்களஞ்சியம் என்ன ஆகும் என்பதை பொட்டிலடித்த மாதிரி சொன்ன படம்.

ஆனால் அந்தப் படம் எதிர்ப்பார்த்த பெரிய வெற்றி கிடைக்கவில்லை. ஆனால் படம் வெளியான முதல் வாரமே தஞ்சைப் பகுதிகளில் மீத்தேன் எடுக்க அரசு தடைப் போட்டது. அது அந்தப் படத்துக்குக் கிடைத்த அடையாள வெற்றி.

ஜீ டிவி

இப்போது கத்துக்குட்டி படத்தை வரும் பொங்கல் தினத்தன்று ஜீ தமிழ் டிவி ஒளிபரப்பு செய்கிறது. தியேட்டரில் போய் பார்க்கத் தவறியவர்கள், அட்லீஸ்ட் டிவியிலாவது பாருங்கள்.