குக்கு வித் கோமாளிகளை பாராட்டிய ரம்யா கிருஷ்ணன்!

செலிபிரேஷன் வீக்

கடந்த வாரம் குக்கு வித் கோமாளியின் செலிபிரேஷன் வீக் என்று கொண்டாடினார்கள். இதில் கிராண்ட் ஃபினாலேக்குத் தேர்வானவர்கள் நிகழ்ச்சியை என்ஜாய் செய்ய கேக் வெட்டி கொண்டாடினாலும், சமையல் போட்டியும் வைத்து, ஒரு பரிசும் கொடுத்துக் கொண்டாடினார்கள். அப்போது குக் செய்பவருடன் வீட்டில் இருக்கும் ஒரு நபர் அல்லது நண்பர் வட்டாரத்தில் ஒருவர் போட்டியாளருடன் கலந்துக்கொள்ளலாம் என்று அனுமதித்தார்கள்.

பிக்பாஸ் போலவே

இந்த செலிபிரேஷன் வாரத்தில் கோமாளிகள் சமையல் செய்முறையை சொல்ல, போட்டியாளர்கள் அதன்படி சமைக்க வேண்டும். கோமாளிகளுக்கு பிக்பாஸ் பேச அழைக்கும் அறை போல் அமைத்து, அங்கு பிக்பாஸ் வாய்ஸில் அவர் இன்கிரியண்ட்ஸ் சொல்ல, அதைக்கேட்டு வந்து கோமாளிகள் சொல்ல, அதன்படி குக்குகள் சமைக்க வேண்டும், இதிலும் கோமாளிகள் சிரிப்பை வரவழைத்தார்கள். இந்த காமெடிக்காக நிகழ்ச்சியைப் பார்த்து வருபவர்கள் அதிகம்.

ரம்யா கிருஷ்னண்

நடிகை ரம்யா கிருஷ்ணன் சிறப்பு விருந்தினராக வந்திருந்த போதும், புகழ் அவரையும் கலாய்த்தார். வயசானாலும் உங்க ஸ்டைலும், அழகும் உங்களை விட்டுப் போகலை என்று புகழ் சொல்ல, அது என் கூடவே பொறந்தது என்று பதிலுக்கு ரம்யாவும் பேசினார். சிவாங்கி ராஜ மாதா போல கெட்டப்பில் வர, ஐயோ என்று சிரித்தார் ரம்யா. சமையலில் காமெடி செய்வது என்பது இதுதான் முதல் தடவையா இருக்கும் என்றும் சொன்னார்.

இவங்க கலக்கறாங்க

ஷோ ரொம்ப நல்லாருக்கு... அதுவும் இவங்க எல்லாரும் கலக்கறாங்க என்று கோமாளிகளைப் பார்த்துக் கூறினார் ரம்யா கிருஷ்னன். எப்போதும் சிரித்துக்கொண்டே இருக்கும் ரம்யா இந்த நிகழ்ச்சிகளின் கோமாளிகள் செய்யும் சேட்டைகளை, வெள்ளந்தித் தனத்தைப் பார்த்து ரொம்பவே ரசித்து சிரித்து இருக்கார். வரும் சனி ஞாயிறு இரவு விஜய் டிவியில் பார்க்கலாம்.