சன் டிவியில் நாகினி பாம்பு அவுட்... நந்தினி பாம்பு இன்

நந்தினி

நாகினி முடிந்தால் என்ன நந்தினியாக உங்கள் வீட்டுக்குள் வருகிறேன் என்று புதிதாக ஒரு சீரியல் வந்துள்ளது. இதில் வரும் பாம்பு பிரம்மாண்டம்தான். இரண்டு அழகான இளம் நாயகிகள் அறிமுகமாகியுள்ளனர்.

திரை நட்சத்திரங்கள்

குஷ்புவின் ஆத்துக்காரர் சுந்தர்.சி தயாரிப்பு என்பதால் சினிமா திரை நட்சத்திரங்கள் விஜயகுமார், சிங்கம்புலி என அறிமுகமானவர்களும் சீரியலில் நடித்துள்ளனர். ஆரம்பமே அமர்களமாக இருக்கிறது.

பாம்பு புற்று

மிக பிரம்மாண்டமான வீடு, வீட்டிற்கு முன்பு பெரிய பாம்பு புற்று. புற்றுக்குள் கட்டுப்பட்ட பாம்பு என சீரியல் நகர்கிறது. நாயகன், நாயகி சின்னத்திரை உலகத்திற்கு அறிமுகம் இல்லாதவர்களாகவே இருக்கிறார்கள். கனவில் பயமுறுத்தும் பாம்பு, பழிவாங்கும் பேய் என போகிறது

மனதில் இடம் பெறுவாளா?

நாகினி மவுனி ராய் ரசிகர்கள் மனதில் நங்கூரம் போட்டு அமர்ந்திருக்கிறார். இப்போது வந்துள்ள நந்தினி, நாகினியை விரட்டிவிட்டு ரசிகர்கள் மனதில் இடம் பெறுவாளா பார்க்கலாம்.

பிரியமானவள் போச்சேப்பா?

நாகினி நந்தினி கலவரத்தில் பிரியமானவள் நேரம் மாறிவிட்டது. அழகான மாமியார் உமா, அவந்திகா, பூமிகா, கவிதாவை எல்லாம் இனி ஒரு மணிநேரம் கழித்துதான் பார்க்க முடியுமா? அதை கொஞ்சம் எல்லாரும் பார்க்கும் நேரத்திற்கு மாற்றலாமே என்பதே ரசிகர்களின் வேண்டுகோளாக உள்ளது.