நியூஸ் 7 டிவியில் சுற்றலாம் சுவைக்கலாம்...

மதுரையின் உணவு

மதுரையை சுற்றுவது ஒரு சுவையான அனுபவம். எந்த ஊரைச் சுற்றுவதுமே,சுவையான அனுபவமாக அமைய வேண்டுமென்றால் அந்த ஊரின் உணவை சுவைத்துப் பார்க்க வேண்டும்.

வெள்ளை ஆப்பம்

தூங்கா நகரமான மதுரையைத் தூங்காமல் சுற்றி வந்திருக்கிறார்கள் சுற்றலாம், சுவைக்கலாம் நிகழ்ச்சிக்காக. பல வருடங்களாக பாரம்பரியம் மாறாமல் வெள்ளை ஆப்பம் மற்றும் கார சட்னியை வழங்கிவரும் மதுரை கோபு ஐயங்கார் ஹோட்டல் பற்றி சொல்லியிருக்கிறார்கள்.

காபியின் சுவை

விசாலம் காபி கடைக்குப் போய், அக்கு வேறு,ஆணி வேராக ,அவருடைய கடை காப்பி மட்டும் தனித்த ருசியுடன் திகழும் ரகசியத்தை விவரித்திருக்கிறார்கள்.

நாட்டுக்கோழி குழம்பு

கோழியை துரத்திப்பிடித்து சுவையான குழம்பாகவும்,வறுவலாகவும் மாற்றி கண்ணுக்கு சுவையாகவும் பதிவு செய்து இருக்கிறார் இந்த நிகழ்ச்சியின் இயக்குனர் கார்த்திக் கேசவ்.

அடுத்து எந்த ஊர்

மூன்று வாரங்கள் மதுரை நிகழ்ச்சிக்குப் பிறகு, அடுத்தடுத்து எந்தெந்த ஊர்களுக்கு போவது என்பது பற்றி தீவிரமாக திட்டமிட்டுக் கொண்டிருக்கிறோம். நிகழ்ச்சியை ரசிச்சுபாருங்க, மதுரை போகும்போது ருசிச்சு பாருங்க என்று சொல்கிறார்.

ஞாயிறு மதியம் பாருங்க

வாரந்தோறும் ஞாயிறு ஞாயிறு தோறும் பிற்பகல் 12.30 மணி முதல் 1.00 மணி வரை நியூஸ் 7தமிழ் தொலைக்காட்சியில் ஒளிபரப்பாகிறது .இதன் மறு ஒளிப்பரப்பு அன்றே ஞாயிறு இரவு 10.30 மணி முதல் 11.00 மணிவரை காணலாம்.