Click it and Unblock the Notifications
தத்தரிகிட தத்திரிகிட.. ததீங்கின ததீங்கின... தத்தோம் தத்தோம்.. வருகிற ஞாயிற்றுக்கிழமை!
சென்னை: மறைந்திருந்து பார்க்கும் மர்மம் என்ன.. அழகர் மலை அழகா.. இல்லை இந்த சிலை அழகா... நவரசம் நடனமாடும் அந்த பத்மினியின் முகத்தை மறக்க முடியுமா.... அந்த பத்மினி நடித்து, நடிகர் திலகம் சிவாஜி கணேசேன் நாதஸ்வர வித்வானாக வாழ்ந்து காட்டிய தில்லானா மோகனாம்பாள் திரைப்படம் வருகிற ஞாயிற்றுக்கிழமை சன் டிவியில் திரையிடப்படவுள்ளது.
நல்ல நோட்டைப் பார்த்து கள்ள நோட்டு அடிப்பதைப் போல இந்தப் படத்தைப் பார்த்து காப்பி அடித்து எடுக்கப்பட்ட படங்கள் எத்தனையோ. அத்தனைக்கும் காரணமான தில்லானா மோகனாம்பாளை எத்தனை முறை பார்த்தாலும் சலிப்பதில்லை.. அப்படி ஒரு அருமையான திரைப்படம்தான் இந்த தில்லானா.
இதில் நடித்த அத்தனை நடிகர்களுமே அசத்தியிருப்பார்கள்.. மனோரமா.. நாகேஷ் .. பாலாஜி... நம்பியார்.. பத்மினி.. சிவாஜி கணேசன் என அத்தனை பேரும் நடிப்பில் வெளுத்திருப்பார்கள்.
டி.எஸ். பாலையா பற்றிச் சொல்லவே வேண்டாம். பின்னியிருப்பார்.. பின்னியிருப்பார்...
பத்மினி, சிவாஜி இடையிலான அந்த ரொமான்ஸ் காட்சி.. இப்பப் பார்த்தாலும் நாமே நெளிந்து போவோம்.. அதுவும் அந்த ரயில் ரொமான்ஸ்... கிளாஸ்.. மாஸ்!
பாடல்கள், இசை, ஆக்ஷன், நகைச்சுவை, உணர்ச்சி, காதல் என அத்தனையையும் கலந்து அசத்தலாக கொடுத்த படம்தான் இந்த தில்லானா மோகனாம்பாள்.
ஞாயிற்றுக்கிழமை மாலை 6.30 மணிக்கு சன் டிவியில் பார்க்கத் தவறாதீர்கள்..!
Continue with Google