பாரதி கண்ணம்மா சீரியலில் புதிதாக என்ட்ரி கொடுக்கும் நடிகர்...எதுக்கு தெரியுமா?

தயவு செய்து சீரியலை முடிங்க

பாரதி கண்ணம்மா சீரியல் ரசிகர்கள் போதும் போதும் என்ற அளவுக்கு இயக்குநர் ட்விஸ்ட் தந்துவிட்டார். அதனால் சீரியலை சீக்கிரமாக முடித்து வேற சீரியலை டெலிகாஸ்ட் செய்தால் நன்றாக இருக்கும் அல்லது இந்த சீரியலை பகல் நேரத்திற்கு மாற்றுங்கள் என்கின்றனர் ரசிகர்கள். பல ஆண்டுகளாக "ஜவ்வு" போல இழுத்து அடிக்கும் ஒரு மேட்டர் எப்ப முடியும் என்கின்றனர் ரசிகர்கள்.

இது நடந்தா க்ளைமாக்ஸ் தான்

கிட்டத்தட்ட எல்லா உண்மையும் வெளிவந்து விட்டது.லட்சுமிக்கு பாரதி - கண்ணம்மா பற்றி தெரிந்து விட்டது. அதே போல் பாரதிக்கு லட்சுமி - ஹேமா பற்றியும் தெரிந்து விட்டது. ஒரு டி.என்.ஏ டெஸ்ட் எடுத்தால் போதும் சீரியலுக்கு க்ளைமாக்ஸ் தான். அதே போல் வெண்பா - ரோகித் கல்யாணமும் உறுதியாகிவிட்டது.

புதுசா இவரும் வர போகிறாரா

இந்நிலையில் சீரியலில் கெஸ்ட் ரோலில் நடிக்க வருகிறார் கயல் சீரியல் புகழ் நடிகர் ஃபவாஸ் ஜயானி. இவர் தற்போது கயல் சீரியலில் நெகட்டிவ் ரோலில் நடித்து வருகிறார். இந்நிலையில் பாரதி கண்ணம்மா தொடரிலும் தோன்ற இருக்கிறார். இவர், பாரதியாக நடிக்கும் அருண் பிரசாத்துடன் ஷூட்டிங்கில் எடுத்துக் கொண்ட செல்ஃபி இணையத்தில் வெளியாகியுள்ளது. அதே நேரம் இவர் நடிக்கும் ரோல் குறித்த தகவல் ரகசியமாக வைக்கப்பட்டுள்ளது.

இப்போ எதுக்கு இவர்

பாரதி கண்ணம்மா சீரியலில் தற்போது, கண்ணம்மா வேலை பார்க்கும் ஹாஸ்பிட்டலில் மினிஸ்டர் ஒருவர் அட்மிட் ஆக போகிறார். இந்த சமயத்தில் தீவிரவாத கும்பல் ஒன்று துப்பாக்கியுடன் உள்ளே புகுந்து ஹாஸ்பிட்டலை ஹைஜேக் செய்ய போகிறது. இதில் கண்ணம்மா என்ட்ரி கொடுத்து, அனைவரையும் காப்பாற்ற போகிறார். இது தான் நடக்க போகிறது.

இதுல எந்த ரோல் இவருக்கு

இதனால் இந்த சமயத்தில் ஃபவாஸ் ஜயானி என்ட்ரி நடக்க போகிறது என்றால் ஒன்று தீவிரவாத கும்பலை சேர்ந்தவராகவோ அல்லது அதிரடி படையை சேர்ந்தவராகவோ தான் இருக்க முடியும். இந்த சீன் எதற்கு என ரசிகர்கள் கேட்டு வரும் நிலையில், இவரின் என்ட்ரி சீரியலின் டிஆர்பி.,யை தாங்கி பிடிக்குமா என்பதை பொறுத்திருந்து தான் பார்க்க வேண்டும்.