பாரதி அப்பாவிற்கு வந்த வயிற்று கேன்சர்.. அனைவரிடமும் மறைக்கும் வேணு.. உண்மை தெரிந்தால் என்னவாகும்!

பாரதி கண்ணம்மா தொடர்

விஜய் டிவியின் முன்னணி தொடர்களாக பாக்கியலட்சுமி, பாண்டியன் ஸ்டோர்ஸ் போன்றவை காணப்படுகின்றன. இந்தத் தொடர்களை தொடர்ந்து பாரதி கண்ணம்மாதான் ஆளுமை செலுத்தி வருகிறது. ஒரு காலகட்டத்தில் இந்தத் தொடர்தான் முதன்மையான இடத்தை பிடித்திருந்தது. ஆனால் தொடரில் செய்யப்பட்ட மாற்றங்கள், அரைத்த மாவையே அரைத்த கதைக்களம் போன்றவை இந்தத் தொடரை கீழிறக்கியுள்ளது.

உண்மையை வெளிப்படுத்திய கண்ணம்மா

கடந்த சில வாரங்களாக 8வது இடத்தில் இந்தத் தொடர் காணப்பட்டது. இதனிடையே இந்த சிரியல் தற்போது பரபரப்பான கட்டங்களை எட்டியுள்ளது. ஹேமா -லஷ்மி பிறந்தநாளில் ஹேமாவின் அம்மாவாக தன்னுடைய மறைந்த பழைய காதலியின் புகைப்படத்தை பாரதி அனைவருக்கும் காண்பிக்கிறார். இதனால் அதிர்ச்சியடையும் கண்ணம்மா ஹேமாவின் பிறப்பு ரகசியத்தை வெளிப்படுத்துகிறார்.

குமுறும் பாரதி

ஆனால் இதையெல்லாம் ஏற்க மறுக்கிறார் பாரதி. தொடர்ந்து பள்ளியில் பெற்றோர் ஆசிரியர் மீட்டிங்கில் பங்கேற்க செல்லும் அவரிடம், தன்னுடைய அப்பாவாக டீச்சரிடம் பேச அழைக்கிறார் லஷ்மி. ஆனால் அதை மறுக்கும் பாரதி, குழந்தையின் மனதை எப்படியெல்லாம் கலைத்துள்ளனர் என்று குமுறுகிறார்.

சென்டிமெண்ட் தாக்குதல்

தற்போதைய எபிசோடில், பள்ளிக்கு வராமல் இருக்கும் ஹேமாவை மீண்டும் அனுப்புமாறு தொலைபேசி மூலம் கெஞ்சி அழுதபடி கேட்கிறார் லஷ்மி. தாங்கள் இருவரும் பெஸ்ட் ப்ரெண்ட்ஸ் என்றும் கூறுகிறார். ஆனால் இதையெல்லாம் கேட்டும் தன்னுடைய நிலைப்பாட்டில் இருந்து மாறமாட்டேன் என்று அடம்பிடிக்கிறார். குழந்தையை வைத்து சென்டிமெண்டாக தன்னை மற்றவர்கள் தாக்குவதாக நினைக்கிறார்.

வேணுவிற்கு வயிற்றுப் புற்றுநோய்

இதனிடையே உடல்நலக் குறைவு காரணமாக குடும்பத்திற்கு தெரியாமல் தனியாக மருத்துவரை கன்சல்ட் செய்யும் வேணுவிற்கு தனக்கு வயிற்றில் கேன்சர் முற்றிய நிலையில் உள்ளது தெரியவருகிறது. இதனால் அதிர்ச்சியடைகிறார். ஆனால் தன்னுடைய மகனும் மருமகளும் இணைந்து வாழ்வதை பார்க்க வேண்டும் என்று அந்த நேரத்திலும் அவரது மனம் பரிதவிப்புடன் நினைத்துப் பார்க்கிறது.

பாரதி -கண்ணம்மா இணைவார்களா?

இதையடுத்து இவரது உடல்நிலையை வைத்து பாரதியும் கண்ணம்மாவும் இணைவார்களா என்ற எதிர்பார்ப்பு ரசிகர்களிடையே ஏற்பட்டுள்ளது. ஆனால் இந்த விஷயம் தன்னுடைய குடும்பத்திற்கு தெரியக்கூடாது என்றும் தெரிந்தால் அவர்கள் உடைந்துப் போவார்கள் என்றும் மருத்துவரிடம் கூறும் வேணு, மருத்துவர் அந்த விஷயத்தை தன்னுடைய குடும்பத்தினரிடம் கூற வேண்டாம் என்று கேட்டுக் கொள்கிறார்.

வெண்பா நிச்சயதார்த்தம்

இதனால் அடுத்தடுத்த எபிசோட்கள் எப்படி போகும் என்று எதிர்பார்ப்புடன் ரசிகர்கள் காத்திருக்கின்றனர். ஒரு பக்கம் வெண்பாவின் நிச்சயதார்த்த ஏற்பாடுகளும் ஜரூராக போகிறது. அதை முடித்தே ஆக வேண்டும் என்று பல முயற்சிகளை மேற்கொண்டு வருகிறார் சவுந்தர்யா.