இந்திக்கு போகும் சூப்பர்ஹிட் தமிழ் சீரியல்... எதுன்னு பாருங்க

விஜய் டிவி நிகழ்ச்சிகள்

விஜய் டிவியில் பல்வேறு நிகழ்ச்சிகள் ரசிகர்களின் விருப்பத்திற்குரியவைகளாக ஒளிபரப்பாகி வருகின்றன. குறிப்பாக பிக்பாஸ், குக் வித் கோமாளி, சூப்பர் சிங்கர் போன்ற நிகழ்ச்சிகளை ரசிகர்கள் கொண்டாடி வருகின்றனர். இந்த நிகழ்ச்சிகள் அதன் டாஸ்குகள், ஏன் நடுவர்கள்கூட ரசிகர்களை கருத்தில் கொண்டு செயல்பட்டு வருகின்றனர்.

சிறப்பான தொடர்கள்

நிகழ்ச்சிகளை மட்டுமின்றி தொடர்களையும் விஜய் டிவி தேர்ந்தெடுத்து வழங்கி வருகிறது. மற்ற சீரியல்களை போல இல்லாமல் பார்க்கும் ரசிகர்களுக்கு தன்னம்பிக்கை அளிக்கும்வகையில் இந்த தொடர்கள் ஒளிபரப்பாகி வருகின்றன. இந்த தொடர்கள் அனைத்தும் ரசிகர்களின் விருப்பப்பட்டியலில் இடம்பெற்று வருகின்றன.

அடுத்தடுத்த சீசன்கள்

விஜய் டிவியில் ஒளிபரப்பான தொடர்களுக்கு ரசிகர்களிடையே கிடைக்கும் வரவேற்பை பொருத்து அடுத்தடுத்த சீசன்களும் எடுக்கப்பட்டு வருகின்றன. அந்த வகையில் ரசிகர்களின் விருப்பத்திற்குரிய தொடராக கடந்த 2018ல் இருந்து ஒளிபரப்பான தொடர் ஈரமான ரோஜாவே. தொடரில் மலர் என்ற கேரக்டரில் பவித்ரா நடித்திருந்தார்.

ஈரமான ரோஜாவே தொடர்

மேலும் தொடரின் நாயகன் வெற்றியாக புதுமுக நடிகர் திரவியம் நடித்திருந்தார். இவர்களுடன் சியாம், சாய் காயத்ரி, பிரேமலதா, பிரவீன் உள்ளிட்டவர்களும் நடித்திருந்தனர். மிகவும் முக்கியமான தொடராக இந்த தொடர் இருந்தது. 807 எபிசோட்களுடன் கடந்த ஆகஸ்ட் 14ம் தேதி இந்த தொடர் நிறைவு பெற்றது.

ஈரமான ரோஜாவே சீசன் 2

இதையடுத்து தற்போது இந்த தொடரின் இரண்டாவது சீசனும் ஒளிபரப்பாகி வருகிறது. இந்த தொடரில் திருமணத்தின்போது மணமகள் கடத்தப்பட, அண்ணன் -தம்பி மற்றும் தங்கை -அக்கா என ஜோடி மாறுகிறது. இதையடுத்து என்ன நிகழ்கிறது என்பதாக இந்த தொடர் தற்போது விறுவிறுப்பாக செல்கிறது.

இந்தியில் ரீமேக்

இந்த தொடர் மனசிச்சி சூடு என்ற பெயரில் தெலுங்கிலும், ஜீவா ஹூவாகிதே என்ற பெயரில் கன்னடத்திலும் ஒளிபரப்பான நிலையில் அடுத்ததாக விரைவில் இந்திக்கும் செல்கிறது. இந்த தொடரின் சீசன் 1 தற்போது இந்தியில் வோ தோ ஹை அல்பேலா என்ற பெயரில் இந்தியில் ரீமேக்காக உள்ளது.

மார்ச் 14 முதல் ஒளிபரப்பு

இந்த ரீமேக்கில் மகாபாரம் புகழ் ஷாஹீர் நாயகனாக நடிக்க உள்ளார். மார்ச் 14ம் தேதி இரவு 9 மணிக்கு ஸ்டார் பரத்தில் இந்த தொடர் ஒளிபரப்பாக உள்ளது. எப்போதுமே இந்தியில் இருந்து தமிழுக்கு சீரியல்கள் ஒளிபரப்பாகும். இந்நிலையில் தமிழிலிருந்து இந்திக்கு ஒரு சீரியல் ரீமேக்காக உள்ளது குறிப்பிடத்தக்கது.