ஜீ தமிழின் டான்ஸ் ஜோடி டான்ஸ் நிகழ்ச்சியில் விலகிய ராதிகா... இணைந்த சிநேகா, கௌதமி

விலகிய ராதிகா

ஜீ தமிழ் டிவியில் டான்ஸ் ஜோடி டான்ஸ் நிகழ்ச்சியில் நடுவராக சினேகா உடன் ராதிகா பங்கேற்பதாக இருந்தது. இது தொடர்பான விளம்பரமும் வெளியானது. ஆனால் திடீரென ராதிகா விலகி விடவே அவருக்கு பதிலாக சுதாசந்திரன், கௌதமி இணைந்துள்ளனர். ராதிகா விலகியதற்கு காரணம் அவர் சீரியலை ஒளிபரப்பி வரும் டிவி நிர்வாகம்தான் காரணம் என்று கூறப்படுகிறது.

மிஷா கோஷல்

நான் மகான் அல்ல படத்தில் நடிகையாக அறிமுகமானார் மிஷா கோஷல். ராஜா ராணி படத்தில் நயன்தாரா தோழியாக நடித்தார். அதன் பிறகு 180, இஷ்டம், முகமூடி, சுண்டாட்டம், வணக்கம் சென்னை, என்றென்றும் உள்ளிட்ட படங்களில் நடித்தார். எல்லாவற்றிலும் ஹீரோயின் தோழி தான். ‘விசாரணை' படத்தில் பெண் போலீஸாக நடித்தார். இப்போது சின்னத்திரைக்கு வந்து விட்ட மிஷா கோஷல். ஜீ தமிழ் சேனலின் டான்ஸ் ஜோடி டான்ஸ் நிகழ்ச்சியில் நடனமாடுகிறார் விரைவில் சீரியலில் நடிக்கப் போகிறார்.

சான்ட்ராவின் கண்ணீர்

ரியாலிட்டி நிகழ்ச்சி என்றாலே யாராவது கண்ணீர் விட்டு அழவேண்டும் என்பது எழுதப்படாத விதி. அது டான்ஸ் நிகழ்ச்சியிலும் அரங்கேறியுள்ளது. அழகாக நடனமாடிய சான்ட்ராவும் இதில் கண்ணீர் சிந்தியுள்ளார்.

வெட்கப்பட்ட நந்தினி

ஜீ தமிழின் சாகச நிகழ்ச்சியில் பங்கேற்ற நடிகை நந்தினி, சும்மா டான்ஸ் பிச்சு உதறுகிறார். தொகுப்பாளர் தீபக் சொன்னதைக் கேட்டு கன்னம் சிவக்க, கண்கள் படபடக்க வெட்கப்பட்டாரே பார்க்கலாம்.

பறக்கும் முத்தங்கள்

போட்டியில் பங்கேற்கும் பங்கேற்பாளர்கள் ஆடும் நடனத்திற்கு ஏற்ப சினேகா, கௌதமி, சுதாசந்திரன் ஆகியோர் பறக்கும் முத்தங்களால் நடனமேடையை நனைய வைக்கிறார்கள். சினேகாவிடம் பறக்கும் முத்தம் வாங்க கொடுத்து வைத்த போட்டியாளர்கள்.