Don't Miss!
- News 88 தொகுதிகள்.. இன்று 13 மாநிலத்தில் 2ம் கட்ட லோக்சபா தேர்தல்.. கேரளா, கர்நாடகாவிலும் ஓட்டுப்பதிவு
- Technology இனி Signal Weak சிக்கலே இருக்காது.. மொபைல் Settings-ல இதை பண்ணா போதும்.. இன்டர்நெட் ஸ்பீட் சும்மா பிச்சிக்கும்
- Finance வேலைக்கு சேர்ந்த 6 மாசத்திலேயே ரிசைன்.. அனல் பறக்கும் விவாதம்..!
- Automobiles சாதா கிளாஸ் டிக்கெட்டை வாங்கிட்டு முதல் வகுப்பில் பயணிக்கனுமா!! விமான பணி பெண் சொல்லும் மூன்று ரகசிய வழிகள்!
- Lifestyle Today Rasi Palan 26 April 2024: இன்று இந்த ராசிக்காரர்கள் வேலை மாற்றத்தைப் பற்றி யோசிக்காமல் இருப்பது நல்லது..
- Sports வாழ்க்கைன்னா ஒரு சில அடிகள் விழத்தான் செய்யும்.. எல்லா போட்டியிலும் வெல்ல முடியாது.. பாட் கம்மின்ஸ்
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
‘காற்று புகாத இடத்திலும் கல்வியை புகுத்துவோம்’... வஜ்ரம் குழு நடத்திய விழிப்புணர்வு மராத்தான்!
சென்னை: பசங்க, கோலிசோடா ஆகிய படங்களில் இணைந்து நடித்திருந்த ஸ்ரீராம், கிஷோர், பாண்டி, குட்டிமணி ஆகியோர் மீண்டும் இணைந்துள்ள படம் தான் ‘வஜ்ரம்'. பவானி ரெட்டி என்ற புதுமுகம் ஹீரோயினாக அறிமுகமாகும் இப்படத்தை எஸ்.டி.ரமேஷ் செல்வன் இயக்குகிறார்.
கல்வியின் முக்கியத்துவத்தை வலியுறுத்தும் விதமாக இப்படத்தின் கதை அமைக்கப் பட்டுள்ளது. எனவே, அதனை வெளிப்படுத்தும் வகையில் இன்று காலை சென்னை மெரீனா கடற்கரையில் மராத்தான் ஓட்டப்பந்தயம் நடத்தப்பட்டது.
சென்னையில் உள்ள பள்ளி மாணவர்கள் கலந்து கொண்ட இந்த மராத்தான் போட்டியை வஜ்ரம் படக்குழு ஏற்பாடு செய்திருந்தது.
விழாவில் பங்கேற்ற பிரபலங்கள்...
இந்த மராத்தான் போட்டி விழாவில் கலைபுலி எஸ்.தாணு, தம்பிராமையா, கே.ராஜன், ஜெயபிரகாஷ், சித்ராலட்சுமணன், விசென்ட்அசோகன், மற்றும் வஜ்ரம் படத்தில் நடிக்கும் ஸ்ரீராம், கிஷோர், பாண்டி, குட்டி மணி மற்றும் வஜ்ரம் பட இயக்குனர் எஸ்.டி.ரமேஷ்செல்வன் ஆகியோர் கலந்து கொண்டனர்.
அனைவருக்கும் கல்வி...
தனது வஜ்ரம் படம் குறித்து இயக்குநர் ரமேஷ்செல்வன் கூறுகையில், "அனைவருக்கும் கல்வி, காற்று புகாத இடத்திலும் கல்வியை புகுத்துவோம், இந்தியாவை கல்வியுள்ள தேசமாக்குவோம்" இந்த கருத்தை மையமாக வைத்து 'வஜ்ரம்'திரைப்படத்தை உருவாக்கியுள்ளோம்' எனத் தெரிவித்துள்ளார்.
விழிப்புணர்வு மராத்தான்...
இந்த மராத்தான் போட்டி மூலம் தமிழ் நாட்டிலுள்ள அனைத்து மக்களுக்கும் கல்வியின் அவசியமும், முக்கியத்துவமும் போய் சேரும் என்பது தான் படக்குழுவினரின் முக்கிய நோக்கமாம்.
அண்ணா சதுக்கத்திலிருந்து...
இன்று காலை சுமார் 6.30 மணியளவில், சென்னை அண்ணா சதுக்கத்திலிருந்து கலங்கரை விளக்கம் வரை இந்த மராத்தான் போட்டி நடைபெற்றது.
பள்ளி மாணவர்கள்...
இந்த மராத்தான் போட்டியில் சென்னையில் உள்ள பள்ளி மாணவர்கள் ஆயிரக்கணக்கானோர் கலந்து கொண்டனர்.