Don't Miss!
- Automobiles மாருதி, டாடா, ஹூண்டாய் நிறுவனங்களை ஒரு கை பார்க்க வரும் நிஸான் கார்... போட்டி அனல் பறக்க போகுது...
- Sports வாழ்க்கைன்னா ஒரு சில அடிகள் விழத்தான் செய்யும்.. எல்லா போட்டியிலும் வெல்ல முடியாது.. பாட் கம்மின்ஸ்
- News சிறையில் கணவர்.. இடைத்தேர்தலில் களமிறங்கும் ஜார்கண்ட் Ex முதல்வர் ஹேமந்த் சோரனின் மனைவி கல்பனா
- Lifestyle 100 ஆண்டுகளுக்கு பின் உருவாகியுள்ள திரிகிரக யோகம்: அடுத்த 5 நாட்கள் இந்த 3 ராசிக்கு அதிர்ஷ்டமா இருக்கும்..
- Technology BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்?
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
சூப்பர்ஸ்டாரின் வசூல் சாதனையை 10 நாட்களில் முறியடித்த ஆர்ஆர்ஆர்... எந்த படம் தெரியுமா?
சென்னை : நடிகர்கள் ராம்சரண், ஜூனியர் என்டிஆர், ஆலியா பட், ஷ்ரேயா சரண், சமுத்திரக்கனி உள்ளிட்டவர்கள் நடிப்பில் கடந்த வாரத்தில் திரையரங்குகளில் ரிலீசாகி அதிரிபுதிரி வெற்றியை கொடுத்துள்ள படம் ஆர்ஆர்ஆர். இந்தப் படத்தின் வசூல் சாதனை இந்திய அளவில் மிகப்பெரிய ஹிட்டடித்து மற்ற முக்கிய படங்களை ஓரங்கட்டி வருகிறது.
ஏப்ரல் 3, ஞாயிறன்று கலர்ஸ் தமிழில் என்ன திரைப்படம் தெரியுமா ? அப்படி என்ன ஸ்பெஷல் இந்த படத்தில் !
ஆர்ஆர்ஆர் படம்
நடிகர்கள் ராம்சரண், ஜூனியர் என்டிஆர் லீட் கதாபாத்திரங்களில் நடித்து கடந்த மாதம் 25ம் தேதி திரையரங்குகளில் ரிலீசாகியுள்ளது ராஜமௌலியின் ஆர்ஆர்ஆர். இந்தப் படம் சுதந்திர போராட்ட காலக்கட்டத்தை மையமாக கொண்டு எடுக்கப்பட்டுள்ளது. படத்தின் பிரம்மாண்டம் அந்தக் காலக்கட்டத்தை நம் கண்முன்னே நிறுத்தியுள்ளது.
பிரம்மாண்டமான தயாரிப்பு
தன்னுடைய பாகுபலி படங்களின்மூலம் பிரம்மாண்டத்திற்கு பெயர்போன இயக்குநர் ராஜமௌலி, இந்தப் படத்திலும் தன்னுடைய ரசிகர்களை ஏமாற்றாமல் சிறப்பான செட்களின்மூலம் ரசிகர்களை மிரட்டியுள்ளார். தற்போது இந்திய அளவில் 5 மொழிகளில் பான் இந்தியா படமாக ஆர்ஆர்ஆர் ரிலீசாகியுள்ளது.
என்ஜாய் செய்யும் ரசிகர்கள்
படத்தை திரையரங்குகளில் சென்று பார்க்கும் அனுபவத்தை ரசிகர்கள் என்ஜாய் செய்து வருகின்றனர். சிறப்பான திரைக்கதையும் படத்திற்கு வலு சேர்க்கும் வகையில் அமைந்துள்ளது. படத்தின் வசூல் தொடர்ந்து ஏறுமுகத்தில் உள்ளது. மற்றப் படங்கள் ரிலீசான நிலையிலும் அதையெல்லாம் பீட் செய்து வசூல் மழை பொழிந்து வருகிறது படம்.
10 நாட்களில் ரூ.819 கோடி வசூல்
கடந்த 10 நாட்களில் 819 கோடி ரூபாயை உலகளவில் வசூல் செய்துள்ளது ஆர்ஆர்ஆர். இதையடுத்து இந்திய அளவில் அதிக வசூலை ஈட்டியுள்ள 6வது படம் என்ற பெருமையும் படத்திற்கு கிடைத்துள்ளது. தங்கல், பாகுபலி2, பஜ்ரங் பாய்ஜான், சிக்ரெட் சூப்பர்ஸ்டார் மற்றும் பீகே ஆகிய படங்கள் முதல் 5 இடங்களில் உள்ளது.
சூப்பர்ஸ்டார் படத்தை பீட் செய்த ஆர்ஆர்ஆர்
இந்நிலையில் தற்போது 10 நாட்களில் 6வது இடத்திற்கு வந்துள்ள ஆர்ஆர்ஆர் தொடர்ந்து சர்வதேச அளவில் திரையரங்குகளில் வெற்றிகரமாக ஓடி வருகிறது. அதனால் 6வது இடத்தில் இருந்து மேலும் முன்னேற வாய்ப்புள்ளது. இந்நிலையில் சூப்பர்ஸ்டாரின் 2.O படத்தின் மொத்த வசூலான 800 கோடி ரூபாயை தற்போது ஆர்ஆர்ஆர் 10 நாட்களில் முறியடித்துள்ளது.
ஒரே பட்ஜெட்டில் இரு படங்கள்
ஆர்ஆர்ஆர் படம் 450 கோடி ரூபாய் பட்ஜெட்டில் பிரம்மாண்டமாக எடுக்கப்பட்டது போலவே ரஜினியின் 2.O படமும் லைகா புரொடக்ஷன்ஸ் நிறுவனத்தின் தயாரிப்பாக 450 கோடி ரூபாய் பட்ஜெட்டில் எடுக்கப்பட்டது குறிப்பிடத்தக்கது. இயக்குநர் ஷங்கரின் பிரம்மாண்டமான படைப்பாக வெளியானது இந்தப் படம்.