Don't Miss!
- Finance ஒரு பங்குக்கு ரூ.240 டிவிடெண்ட் வழங்கும் ஐடி நிறுவனம்.. நீங்களும் அதுல பங்கு வச்சிருக்கீங்களா?
- Automobiles ஆடி கார்களின் விலையை உயர்த்த முடிவு! எவ்வளவு காஸ்ட்லியாக போவுது தெரியுமா?
- Lifestyle சாணக்கிய நீதி படி இந்த குணமுள்ள பெண்கள் உங்களை நரக வாசலுக்கு அழைத்து செல்வார்களாம்..இவங்ககிட்ட விலகியே இருங்க!
- News ராகுல் முதல் டிகே சிவக்குமார் தம்பி வரை.. 2ம் கட்ட தேர்தலில் விஐபி வேட்பாளர்கள் இவர்கள் தான்!
- Technology இனி Signal Weak சிக்கலே இருக்காது.. மொபைல் Settings-ல இதை பண்ணா போதும்.. இன்டர்நெட் ஸ்பீட் சும்மா பிச்சிக்கும்
- Sports வாழ்க்கைன்னா ஒரு சில அடிகள் விழத்தான் செய்யும்.. எல்லா போட்டியிலும் வெல்ல முடியாது.. பாட் கம்மின்ஸ்
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
BlacKkKlansman: ஆஸ்கர் வென்ற படத்தின் தலைப்பில் அதென்ன 3 K?
லாஸ் ஏஞ்சல்ஸ்: சிறந்த தழுவல் திரைக்கதைக்கான ஆஸ்கர் விருது வென்ற BlacKkKlansman பட தலைப்பில் இருக்கும் மூன்று k பற்றி தெரிந்து கொள்ளுங்கள்.
91வது ஆஸ்கர் விருது விழா லாஸ் ஏஞ்சல்ஸ் நகரில் உள்ள டால்பி தியேட்டரில் நடந்து முடிந்தது. இந்த விழாவில் பொஹிமியன் ராப்சொடி படம் அதிகபட்சமாக 4 விருதுகளை வென்றது.
சிறந்த தழுவல் திரைக்கதைக்கான விருது BlacKkKlansman படத்திற்கு கிடைத்தது. அந்த விருதை நடிகர் சாமூவல் எல். ஜான்சன் அறிவித்ததும் இயக்குநர் ஸ்பைக் லீ ஓடி வந்து அவரை கட்டிப்பிடித்து தொங்கினார்.
கருப்பினத்தவர்களை வெறுக்கும் வெள்ளையர்கள் குழு பற்றிய படத்திற்கான விருதை கருப்பினத்தை சேர்ந்த ஒருவர் அறிவிக்க அதே இனத்தை சேர்ந்த லீ பெற்றுக் கொண்டதை பார்த்து அரங்கமே அதிர்ந்தது.
அமெரிக்காவை சேர்ந்த ஓய்வு பெற்ற போலீஸ் அதிகாரியான ரான் ஸ்டால்வொர்த் எழுதிய சுயசரிதையான Black Klansman-ஐ தழுவி படத்தை எடுத்தார் லீ. கொலரடோ ஸ்பிரிங்ஸ் காவல் துறையின் முதல் கருப்பின போலீஸ் அதிகாரி ரான் என்பது குறிப்பிடத்தக்கது.
கருப்பினத்தவர்களை வெறுக்கும் Ku Klux Clan(கூ க்ளக்ஸ் கிளான்) குழுவில் சேர்ந்து அவர்களின் செயல்களை அம்பலப்படுத்தியவர் ரான். கருப்பினத்தவர்களை வெறுக்கும் குழுவில் ரான் எப்படி சேர்ந்தார் என்று நினைக்கலாம். Ku Klux Clan ஆட்களை போனில் தொடர்பு கொண்டு பேசியது ரான் ஆனால் அவர்களை சந்திக்க தனக்கு பதிலாக வெள்ளையர் ஒருவரை அனுப்பி வைத்தார்.
அந்த குழுவை சேர்ந்தவர்கள் கருப்பினத்தவர்களுக்கு எதிராக வன்முறையில் ஈடுபடுவதற்கு பெயர் போனவர்கள். Ku Klux Clan தற்போதும் செயல்பாட்டில் உள்ளது. கடந்த ஆண்டு அந்த குழுவில் 8 முதல் 12 ஆயிரம் பேர் உறுப்பினர்களாக இருந்தது தெரிய வந்தது. அந்த அமைப்பை குறிக்கும் வகையில் தான் படத்தின் தலைப்பில் மூன்று K உள்ளது.