விஜய்யுடன் பிறந்த நாள் கொண்டாட்டம்.. வைரலாகும் இந்துஜா புகைப்படம்!

சிங்கப்பெண்

அட்லி இயக்கத்தில் விஜய், நயன்தாரா நடிப்பில் தீபாவளி பண்டிகையை முன்னிட்டு வெளியான பிகில் திரைப்படத்தில் சிங்கப்பெண் வேம்புவாக இந்துஜா நடித்திருந்தார். பெண்கள் கால்பந்தாட்ட அணியில் கேப்டன் தென்றலுக்கு அடுத்தபடியாக இந்துஜா இடம்பெற்றிருந்தது குறிப்பிடத்தக்கது. நடிகர் விஜய்யுடன் நடித்தது தனக்கு கிடைத்த மிகப்பெரிய வாய்ப்பு என பேட்டிகளில் இந்துஜா கூறியுள்ளார்.

விக் ட்ரோல்

பிகில் திரைப்படத்தில் வேம்புவாக நடித்த இந்துஜா, தலையில் விக் வைத்து பாய் கட்டிங் ஹேர் ஸ்டைலில் படம் முழுக்க வந்திருப்பார். சமூக வலைதளங்களில் அவரது ஹேர் ஸ்டைலை பார்த்த பலரும் அது குறித்த ட்ரோல்களையும் மீம்களையும் பதிவிட்டு அவரை வெறுப்பேற்றினர்.

மறக்க முடியாது

பிகில் படத்தின் ஷூட்டிங்கில் இருக்கும் போது இந்துஜாவின் பிறந்த நாள் கொண்டாடப்பட்டது. இந்துஜாவின் பிறந்த நாள் கொண்டாட்டத்தில் நடிகர் விஜய், இசையமைப்பாளர் ஏ.ஆர். ரஹ்மான், இயக்குநர் அட்லி மற்றும் சக கால்பந்தாட்ட நடிகைகள் கலந்து கொண்டனர். தனது வாழ்நாளில் இந்த பிறந்த நாளை மறக்கவே முடியாது என இந்துஜா தனது இன்ஸ்டாகிராமில் பதிவிட்டுள்ளார்.

நயன்தாரா

இந்துஜாவின் பிறந்த நாள் விழா கடந்த ஆகஸ்ட் 1ம் தேதி கொண்டாடப்பட்டது. 1994ம் ஆண்டு பிறந்த இந்துஜா, தனது 25வது பிறந்த நாளை பிகில் படக்குழுவுடன் கொண்டாடினார். ஆனால், இந்த பிறந்த நாள் கொண்டாட்டத்தில் நடிகை நயன்தாரா கலந்து கொள்ளவில்லை.

முன்னதாக தென்றல் கதாபாத்திரத்தில் நடித்த அம்ரிதா அய்யரின் பிறந்த நாளிலும் நயன்தாரா கலந்து கொள்ளவில்லை, சமீபத்தில் தான் அவருக்கு வாட்ச் ஒன்றை பரிசாக அளித்தார். அதே போல இந்துஜாவுக்கும் நயன் பரிசளிப்பாரா என்பதை பொறுத்திருந்து பார்ப்போம்.