தாமதமாகும் தளபதி 67 டைட்டில் ப்ரோமோ... ஏமாற்றத்தில் ரசிகர்கள்... இதுதான் காரணமா?

எதிர்பார்ப்பில் தளபதி 67

விஜய்யின் வாரிசு திரைப்படம் பொங்கலை முன்னிட்டு வெளியானது. தமிழ், தெலுங்கு மொழிகளில் ரிலீஸான இந்தப் படம், பாக்ஸ் ஆபிஸில் 200 கோடிக்கு மேல் வசூலித்தாலும் கலவையான விமர்சனங்களையே பெற்றது. இதனால் லோகேஷ் இயக்கும் தளபதி 67 படத்தை அதிகம் எதிர்பார்த்துள்ளார் விஜய். அவர் மட்டும் இல்லாமல் ஒட்டுமொத்த ரசிகர்களும் விஜய்யின் தளபதி 67 படத்தை அதிகம் எதிர்பார்த்து காத்திருக்கின்றனர். இந்நிலையில், தளபதி 67 ஷூட்டிங் சென்னையில் விறுவிறுப்பாக நடைபெற்று வருகிறது.

தளபதி 67 டைட்டில் ப்ரோமோ

இந்தப் படத்தில் விஜய்யுடன் த்ரிஷா, அர்ஜுன், சஞ்சய் தத், மன்சூர் அலிகான், இயக்குநர்கள் மிஷ்கின், கெளதம் மேனன் ஆகியோர் நடிப்பதாக சொல்லப்படுகிறது. சென்னையில் தொடங்கிய படப்பிடிப்பில் முதலில் ஆக்‌ஷன் காட்சிகள் எடுக்கப்பட்டு வருகிறதாம். இதுகுறித்து சில தினங்களுக்கு முன்னர் தான் அதில் வில்லனாக நடித்து வரும் மிஷ்கின் பேசியிருந்தார். இந்நிலையில், இப்படத்தின் டைட்டில் ப்ரோமோ ஜனவரி 26ம் தேதி ரிலீஸாகும் என தகவல்கள் தெரிவித்தன. ஆனால் அது அடுத்த மாதம் முதல் அல்லது இரண்டாவது வாரத்தில் வெளியாகலாம் என சொல்லப்படுகிறது.

இதுதான் காரணமா?

தளபதி 67 கமல் நடிப்பில் வெளியான விக்ரம் படத்தின் சீக்வெல்லாக இருக்கும் என தகவல் வெளியாகியுள்ளது. கமல், ஃபஹத் பாசில், விஜய் சேதுபதி, சூர்யா உள்ளிட்ட பலர் நடித்திருந்த இந்தப் படம் ப்ளாக் பஸ்டர் ஹிட் அடித்தது. அதை விடவும் சூப்பர் டூப்பர் ஹிட் படமாக தளபதி 67 இருக்க வேண்டும் என லோகேஷ் முடிவு செய்துள்ளாராம். அதனால் விக்ரம் படத்துக்கு வெளியிட்ட டைட்டில் ப்ரோமோவை போல, தளபதி 67க்கும் ஷூட் செய்து வருகிறார் லோகேஷ். இந்த ப்ரோமோ தான் ரசிகர்களுக்கான முதல் ட்ரீட்டாக இருக்கும் என தெரிகிறது. இந்நிலையில், தளபதி 67 டைட்டில் ப்ரோமோ லேட்டாவதற்கான காரணம் தெரியவந்துள்ளது.

வாரிசு சக்சஸ் மீட்

வாரிசு வெற்றியால் மகிழ்ச்சியில் உள்ள விஜய், தொடர்ந்து அந்தப் படத்தின் சக்சஸ் மீட், செலிப்ரேஷன் போன்றவைகளில் பிஸியாக இருக்கிறார். இதனால் டைட்டில் ப்ரோமோ ஷூட்டிங் இன்னும் முடியவில்லையாம். அதோடு வில்லன் நடிகர்களும் ஒரு சிலர் மட்டுமே இன்னும் படப்பிடிபில் கலந்துகொண்டதாக சொல்லப்படுகிறது. அதன் காரணமாகவும் டைட்டில் ப்ரோமோ தாமதமாவதாக கோலிவுட் வட்டாரங்கள் தெரிவிக்கின்றன. இதனிடையே இந்தப் படத்தில் கமல், ஃபஹத் பாசில், சூர்யா ஆகியோரும் நடிக்கவுள்ளதாக ஒரு தகவல் பரவி வருவது குறிப்பிடத்தக்கது.